ამ პარლამენტში პოლიტიკოსების გადასაწყვეტი არ არის, თუ რომელ საქმესთან დაკავშირებით, რა გადაწყვეტილება იქნება მიღებული გამოძიების მხრიდან, - ამის შესახებ პარლამენტის თავმჯდომარემ არჩილ თალაკვაძემ პარლამენტთან აქციის მონაწილეებსა და ემზარ კვიციანს შორის მომხდარი დაპირისპირების თაობაზე საუბრისას განაცხადა.
მისი თქმით, პოლიციელებმა ადგილზე სიტუაციის განმუხტვა ეფექტურად შეძლეს. ამასთან, არჩილ თალაკვაძის შეფასებით, მომხდარი შესაბამისი ინსტიტუტების საქმეა.
„არაერთხელ მითქვამს, რომ ასეთ ფაქტებზე გადაწყვეტილებებს არა პოლიტიკოსები, არამედ შესაბამისი ინსტიტუტები იღებენ. ასე რომ, ამ პარლამენტში პოლიტიკოსების გადასაწყვეტი არ არის, თუ რომელ საქმესთან დაკავშირებით, რა გადაწყვეტილება იქნება მიღებული გამოძიების მხრიდან. კიდევ ერთხელ ვამბობ, ეს არის შესაბამისი ინსტიტუტების საქმე. პარლამენტის საქმე არის საკანონმდებლო პროცესის უზრუნველყოფა და ზედამხედველობა მთავრობაზე,“ - განაცხადა არჩილ თალაკვაძემ ჟურნალისტებთან საუბრისას.
შეგახსენებთ, პარლამენტის შენობასთან დაპირისპირება მოხდა. აქციის მონაწილეებთან დეპუტატი ემზარ კვიციანი მივიდა, რომელმაც მომიტინგეებს სიტყვიერი დაფიზიკური შეურაცხყოფა მიაყენა. ადგილზე ვითარების განმუხტვას პოლიცია ცდილობდა.