პრემიერ-მინისტრმა გიორგი გახარიამ, პარლამენტში დასკვნითი სიტყვით გამოსვლისას განაცხადა, რომ პროფესიონალი მოხელეები დაფასებულები უნდა იყვნენ. გიორგი გახარიას თქმით, ის იყო და რჩება კეთილსინდისიერი პოლიციელების ლობისტად.
„ყველა კეთილსინდისიერი, მაღალი პროფესიონალიზმის მატარებელი მოხელე უნდა იყოს დაფასებული და ვერავინ უნდა ბედავდეს პოლიტიკური პლატფორმიდან მის ბულინგს. დიახაც, მე ამ ადამიანებს დავუჭერ მხარს და ვიქნები მათი ლობისტი, ისევე, როგორც ვიყავი და დავრჩები ყველა ღირსეული და კეთილსინდისიერი პოლიციელის ლობისტად. ეს არის სახელმწიფო და ვფიქრობ, ეს არის ყველა ნორმალური ადამიანის და პოლიტიკოსის მისია და ფუნქცია“, - განაცხადა გიორგი გახარიამ.