პარლამენტის გვერდითა შესასვლელთან მყოფმა აქციის მონაწილეებმა, პარლამენტის შენობის წინ გადაინაცვლეს და აქცია „სირცხვილიას" შეუერთდნენ. ისინი აპროტესტებენ პრემიერ-მინისტრის თანამდებობაზე გიორგი გახარიას დანიშვნას და აცხადებენ, რომ „სცენარი რუსული ინტერესების გათვალისწინებით ვითარდება“.

მათი ნაწილი ასევე მოუწოდებს პარლამენტის დისციპლინურ კომიტეტს, განიხილონ დეპუტატ ემზარ კვიციანის ქმედება, ხოლო შს სამინისტროს უმოქმედობაში ადანაშაულებენ.

დღევანდელ აქციაზე სიტყვით გამოსვლებია დაგეგმილი, ხოლო ხვალ აქციის მონაწილეები 11:30 საათზე თბილისის საქალაქო სასამართლოსთან აქციას გამართავენ და 20 ივნისის საქმეზე დაკავებული პირების გათავისუფლებას მოითხოვენ.