მამუკა მდინარაძე - როცა დრო მოვა, შეგვცვალონ ჩვენზე უკეთესებმა და არა წარსულის მძიმე ცოდვებით დამძიმებულმა, მატყუარა და მოძალადე პოლიტიკოსებმა

არც ერთი თანამდებობა, არც ერთი ხელისუფლება არ არის მუდმივი. მთელი ჩვენი საქმიანობა მთავარ გამოწვევებზე მუშაობასთან ერთად, უნდა მივმართოთ იქითკენ, რომ როცა დრო მოვა, შეგვცვალონ ჩვენზე უკეთესებმა და არა წარსულის მძიმე ცოდვებით დამძიმებულმა, მატყუარა და მოძალადე პოლიტიკოსებმა, - ამის შესახებ ფრაქცია „ქართული ოცნების“ თავმჯდომარემ, მამუკა მდინარაძემ პლენარულ სხდომაზე განაცხადა.

მამუკა მდინარაძემ საქართველოს მთავრობის შემადგენლობასა და სამთავრობო პროგრამას მხარდაჭერა დაუდასტურა და მმართველი გუნდის წინაშე არსებულ მთავარ გამოწვევებზე ისაუბრა.

მისი თქმით, სოციალურ პრობლემებსა და ოკუპაციასთან ერთად, ერთ-ერთი უმთავრესი გამოწვევა სიცრუე და დეზინფორმაციაა.

„ბატონო გიორგი, ვუერთდები თქვენს პოზიციას იმასთან დაკავშირებით, რომ სიცრუე არის არა გამოწვევა, არამედ პრობლემა, დეზინფორმაცია, რომლის აღმოუფხვრელობის შემთხვევაში, შეიძლება, პროგრესი ვერ ვაჩვენოთ, ვერ უზრუნველვყოთ, უფრო მეტიც, იქიდან გამომდინარე, რომ სამწუხაროდ, არსებობს ამ ქვეყანაში ძალა, თავისი სხვადასხვა განშტოებებით, თავისი მედია-საშუალებებით, რომელიც უზრუნველყოფს, რომ მუდმივად სტრესის და დეზინფორმაციის გავლენის ქვეშ და ამ ფსიქოლოგიური ძალადობის ქვეშ ამყოფოს საზოგადოება“,- განაცხადა მამუკა მდინარაძემ.

დეპუტატი „ნაციონალური მოძრაობის“ მიერ ოკუპაციის გაპროტესტებასაც გამოეხმაურა. მისი თქმით, ქვეყანამ ტერიტორიები და ადამიანები წინა ხელისუფლების დანაშაულებრივი ჩართულობის გამო დაკარგა.

„2012 წლის შემდეგ 220-ზე მეტი ძალიან სერიოზული, მხარდამჭერი დოკუმენტია ჩვენი დასავლელი პარტნიორების შესრულებით, რომელიც ეხება მთავარ პრობლემას - ოკუპაციას, დეოკუპაციის საკითხებს და ეს არის „ქართული ოცნების“ მუხლჩაუხრელი შრომის შედეგად მიღებული შედეგი. დღეს აპროტესტებენ „ქართული ოცნების“ წინააღმდეგ და ცდილობენ, რომ რაღაცნაირად, ეს პრობლემა ჩვენ მოგვაწერონ. გარეთ არიან ახალგაზრდები. მე პირადად დარწმუნებული ვარ, რომ ამ სიცრუის შედეგად, იქ არის ბევრი ახალგაზრდა, რომელსაც სჯერა იმისა, რასაც ამბობს და რასაც აკეთებს. ჩვენ მათ უნდა ვუთხრათ, რომ მაგალითად, კარგად წაიკითხონ რეზოლუციის ეს პუნქტები“,- აღნიშნა მამუკა მდინარაძემ.

ფრაქციის თავმჯდომარის შეფასებით, პრემიერ-მინისტრობის კანდიდატის განცხადება სიცრუესა და დეზინფორმაციასთან ბრძოლასთან დაკავშირებით, სერიოზული პოლიტიკური განაცხადი იყო.

„ოკუპაცია, სიღარიბესთან ერთად, გამოწვევების ადეკვატურად არის შეფასებული სამთავრობო პროგრამაში და გადაჭრის გზებზეც არის საუბარი. ჩვენ მხარს დავუჭერთ მთავრობის შემადგენლობას“,- განაცხადა მამუკა მდინარაძემ.

ვახტანგ ძაბირაძე - დღეს საზოგადოებაში არ ჭარბობს განწყობა - ოღონდ ეს ხელისუფლება წავიდეს და ვინც გინდა მოვიდეს
ქართული პრესის მიმოხილვა 29.10.2020
ნანა ჩაჩუა - არჩევნების წინ არსებულ ვითარებას შევაფასებდი როგორც სიურრეალიზმს, თანაც ისეთს, როგორსაც სალვადორ დალიც კი ვერ წარმოიდგენდა
ექსპოჯორჯია აგრო ექსპორტის ფორუმს, ონლაინ - B2B ფორმატში გამართავს
ირმა ინაშვილი - "ქართული ოცნება" დამნაშავეა იმაში, რომ წლების მანძილზე ხელს აფარებდა დამნაშავეებს (R)
გიორგი ლომია - ციხის კადრებში ნათლად ჩანს, რომ პატიმრების წამებაში მთელი სისტემა იყო ჩართული (R)
ირმა ინაშვილი - "ნაციონალური მოძრაობა" ისტორიას და ფაქტებს ვერ წაშლის, რადგან ხალხს ყველაფერი ახსოვს (R)
ირმა ინაშვილი - ჩვენ უნდა მოვუგოთ მწამებელ "ნაციონალურ მოძრაობას" და მათ მფარველებს "ოცნებიდან" (R)
გაერთიანება „ერთად არჩევნებისათვის“ წინასაარჩევნო პერიოდს აფასებს
კოლიერსი საქართველოში სამშენებლო მიმართულებას აძლიერებს
სამსუნგის ოფიციალური ჰოლოგრამა გიცავს და გასაჩუქრებს
ჰიუნდაის დიზაინი გამარჯვებულია - DMI Design Value Awards 2020  დიზაინისთვის „Sensuous Sportiness“
„მეგატექნიკაში“ „სამსუნგის“ ფესტივალი დაიწყო