გია ვოლსკი - გეგმები, რაზეც პრემიერობის კანდიდატმა ილაპარაკა, სწორედ ის არის, რაც ჩვენს ქვეყანას და თითოეულ ჩვენთაგანს სჭირდება

გეგმები, რაზეც პრემიერ-მინისტრობის კანდიდატმა ილაპარაკა, სწორედ ის არის, რაც ჩვენს ქვეყანას და თითოეულ ჩვენთაგანს სჭირდება, - ამის შესახებ საპარლამენტო უმრავლესობის ლიდერმა გიორგი ვოლსკიმ პლენარულ სხდომაზე განაცხადა.

ვოლსკიმ საქართველოს მთავრობის შემადგენლობასა და სამთავრობო პროგრამას მხარდაჭერა გამოუცხადა.

„ის მომავალი გეგმები, რაზეც პრემიერ-მინისტრობის კანდიდატმა, გიორგი გახარიამ ილაპარაკა, სწორედ ის არის, რაც ჩვენს ქვეყანას, ჩვენ ხალხს და თითოეულ ჩვენთაგანს სჭირდება. ამიტომ უნდა დავუჭიროთ მხარი წარმოდგენილ მთავრობის შემადგენლობას და არა იმიტომ, რომ ჩვენ მაინც და მაინც, რადგან ერთი გუნდი ვართ, დახუჭული გვაქვს თვალი, თუნდაც იმ გარკვეულ ნაკლოვანებებზე, რომელიც არსებობს“, - განაცხადა ვოლსკიმ.

მისივე თქმით, საპარლამენტო უმრავლესობამ მთავრობას მხარი უნდა დაუჭიროს იმიტომაც, რომ წარმოდგენილი კანდიდატები ორიენტირებულები არიან არსებულ ნაკლოვანებებზე და იმ პოზიტიურის გაძლიერებაზე, რომლებიც სტრატეგიულ გეგმებად ჩამოყალიბდა.

ეუთოს სადამკვირვებლო მისიის ხელმძღვანელი ჯილიან სტირკი - ყველას შევახსენებდი, რომ საქმე პოლიტიკური პროცესის მთლიანობას ეხება, სწორედ ეს დევს სასწორზე
ქართული პრესის მიმოხილვა 19.10.2020
ლევან ბოძაშვილი - კავკასიური კვანძი იხსნება და არა საქართველოს სასარგებლოდ, ჩვენთვის ახლა აუცილებლობას წარმოადგენს სრული პოლიტიკური და ინსტიტუციონალური სტაბილურობა