ევროპის ჩემპიონატის საკვალიფიკაციო მატჩი საქართველოსა და დანიის საფეხბურთო ნაკრებებს შორის 0:0 დასრულდა. მატჩი „დინამო არენაზე“ გაიმართა. როგორც sportall.ge წერს, საქართველოს ნაკრებმა მეტოქის პირველი იერიშები მოიგერია. 76-ე წუთზე კი ყაზაიშვილის დარტყმული ბურთი მიზანს ოდნავ ასცდა. საპასუხო შეტევისას კი უკვე დანიელმა ფეხბურთელმა გაარტყა ბურთი ძელს.
როგორც მატჩის შემდგომ პრესკონფერენციაზე საქართველოს ნაკრების მთავარმა მწვრთნელმა ვლადიმერ ვაისმა განაცხადა, თუ გავითვალისწინებთ დანიელთა საფეხბურთო დონეს და მათ ვარსკვლავ კრისტიან ერიქსენს, ეს არ არის ცუდი შედეგი.
„ჩემთვის, რაც საქართველოს ნაკრების მწვრთნელი ვარ, დღევანდელი შეხვედრა უფრო სრულყოფილი გამოვიდა, ვიდრე როდესაც ჩვენ ესპანეთის ნაკრები დავამარცხეთ. არაერთმა ფეხბურთელმა პირველად ითამაშა ხანგრძლივი პაუზის შემდეგ, დაცვაშიც კარგად ვიდექით და მეორე ტაიმში მომენტებიც გვქონდა“, - განაცხადა ვაისმა.