დავით ჭიჭინაძე - ახალი მთავრობა წინასაარჩევნო მთავრობაა და მთავარ ეკონომიკურ გამოწვევებს ნაკლებად გაართმევს თავს

ახალი მთავრობა წინასაარჩევნო მთავრობაა და მთავარ ეკონომიკურ გამოწვევებს ნაკლებად გაართმევს თავს, „ქართული ოცნება“ „მოქკავშირის“ ბედს გაიზიარებს, - ამის შესახებ დეპუტატმა დავით ჭიჭინაძემ განაცხადა.

დავით ჭიჭინაძე მმართველ გუნდში არსებულ გავლენებზე საუბრობს და ამბობს, რომ რაც უფრო ახლოვდება არჩევნები, მით უფრო მოიმატებს „ქართულ ოცნებაში“ დაპირისპირება.

„დღეს, „ქართულ ოცნებაში“ გავლენიანი ფიგურა კახა კალაძეა. თბილისზე გავლენა კალაძეს აქვს, რადგან თბილისის არჩეული მერია. მართალია, მინისტრთა კაბინეტში მას წარმომადგენელი არ ჰყავს, შესაბამისად, ეცდებიან მის შევიწროებას, თუმცა საპარლამენტო სიაში ჰყავს საკმაოდ დიდი წარმომადგენლობა და ხმების დიდი რაოდენობა მობილიზებული. ამიტომ, არ მგონია თბილისში მას ხმების აღება გაუჭირდეს. თუმცა, მომავალი საპარლამენტო არჩევნებისთვის, კახა კალაძის პარალელურად, ირაკლი ღარიბაშვილი და გიორგი გახარია შეეცდებიან, რომ მაქსიმალურად გამოიყენონ თავიანთი გავლენები „ქართულ ოცნებაში“ და ამით ბიძინა ივანიშვილისთვის გახდნენ შეუცვლელი ფიგურები. ანუ, რაც უფრო მივუახლოვდებით არჩევნებს, რაც უფრო ახლოს იქნება წარსადგენი სია, შიდა პოლიტიკურ ვაჭრობებში დაპირისპირებები მოიმატებს, რასაც არამგონია ხალხისთვის კარგი შედეგი მოჰყვეს.

თავიდანვე ფაქტი იყო, რომ ეს ახალი მთავრობა წინასაარჩევნო მთავრობაა და ისეთ მთავარ ეკონომიკურ გამოწვევებს, რასაც ჰქვია ლარის კურსი, სავაჭრო ბალანსი, ისინი ნაკლებად გაართმევენ თავს. შესაბამისად, ჩვენი მოსახლეობის უდიდესი ნაწილი ისევ სიღატაკეში დარჩება. თავად „ქართული ოცნება“ კი, „მოქკავშირის“ ბედს გაიზიარებს“, - აცხადებს ჭიჭინაძე.

ინფორმაციას დავით ჭიჭინაძის პრესსამსახური ავრცელებს.

ნანა ჩაჩუა - არჩევნების წინ არსებულ ვითარებას შევაფასებდი როგორც სიურრეალიზმს, თანაც ისეთს, როგორსაც სალვადორ დალიც კი ვერ წარმოიდგენდა
ქართული პრესის მიმოხილვა 22.10.2020
ილჰამ ალიევი იაპონურ გაზეთ Nikkei-სთან ინტერვიუში - ომის შემდეგ სომხეთს შეუძლია, აზერბაიჯანისა და თურქეთის პარტნიორი გახდეს
პარტია “ალეკო ელისაშვილი - მოქალაქეების” ერთ-ერთი ლიდერი ქეთი თურაზაშვილი - აუცილებელია განათლების სისტემის რეფორმა და “კომაროვის” მოდელი
დავით თარხან-მოურავი - ვინც კოდორი და ახალგორი ჩააბარა, ის გვაცხადებს რუსეთის აგენტად - ამაზე დაფიქრდით (R)
დავით თარხან-მოურავი - მოსახლეობის უმეტესობა ირჩევს "საქართველოს პატრიოტთა ალიანსს (R)
„ბადაგონმა“ თანამშრომლების უსაფრთხოებისთვის PCR ტესტირება დაიწყო
გიორგი ლომია - "ოცნება" და "ნაცმოძრაობა" იმდენად შეერწყნენ ერთმანეთს, რომ დღეს უკვე ერთნი არიან" (R)
პაატა ჯიბლაძე - "პატრიოტთა ალიანსი" ერთადერთი ძალაა, რომელიც ყოველთვის ქვეყნის ინტერესებიდან გამომდინარე მოქმედებს (R)
ნანა დევდარიანი - "პატრიოტთა ალიანსი" უსწრებს "ქართულ ოცნებას" (R)