კახა კალაძე - საჭიროა მოსახლეობასთან სწორი კომუნიკაცია და ახსნა-განმარტებები, რა კეთდება, რა არის პრობლემა და რა პროექტები განხორციელდება

ქვეყანაში, რა თქმა უნდა, არის გამოწვევები, პრობლემები და ახალი ენერგიით, ახალი შემართებით, ერთიანი ძალისხმევით ყველაფერი უნდა გავაკეთოთ იმისთვის, რომ ეს პრობლემები მოგვარდეს, - ამის შესახებ თბილისის მერმა კახა კალაძემ სამთავრობო ცვლილებებზე საუბრისას განაცხადა.

ამასთან, კახა კალაძემ აღნიშნა, რომ პრობლემათა დასაძლევად მნიშვნელოვანია საზოგადოებასთან სწორი კომუნიკაცია და პროექტების განხორციელება.

"მე მინდა, პრემიერ-მინისტრსა და მინისტრთა კაბინეტს წარმატებები ვუსურვო. ქვეყანაში, რა თქმა უნდა, არის გამოწვევები, პრობლემები და ახალი ენერგიით, ახალი შემართებით, ერთიანი ძალისხმევით ყველაფერი უნდა გავაკეთოთ იმისთვის, რომ ეს პრობლემები მოგვარდეს. მნიშვნელოვანი პროექტების განხორციელებაა საჭირო. ასევე, სწორი კომუნიკაცია მოსახლეობასთან, ახსნა-განმარტებები, თუ რა კეთდება, რა არის რეალურად პრობლემები, რა პროექტები განხორციელდება. საბოლოოდ ყველაფერი უნდა იყოს მიმართული იმისკენ, რომ ჩვენი ქვეყნის თითოეულმა მოქალაქემ საკუთარ ოჯახსა და საკუთარ თავზე იგრძნოს კეთილდღეობა," - განაცხადა კახა კალაძემ.

ამასთან, ახალდანიშნულ პრემიერ-მინისტრ გიორგი გახარიასთან დაკავშირებულ კითხვაზე საპასუხოდ კახა კალაძემ აღნიშნა, რომ 2020 წელს მოსახლეობას აქვს შესაძლებლობა თვითონ მიიღოს გადაწყვეტილება, ვინ იქნება ქვეყნის სათავესა და პარლამენტში.

"ქართული ოცნება" თუ რა უმრავლესობას მიიღებს, რა პროცენტს აიღებს 2020 წლის არჩევნებისთვის, ეს არის დამოკიდებული მხოლოდ და მხოლოდ ჩვენი ქვეყნის მოსახლეობაზე,"- განაცხადა კახა კალაძემ.

პაატა ზაქარეიშვილი - რუსეთი ცხინვალის რეგიონში აქტიურობით ცდილობს აიძულოს საქართველო რაღაც ფორმით გადავიდეს მოსკოვთან დიალოგის ფორმატზე
ქართული პრესის მიმოხილვა 13.09.2019
მეთიუ ბრაიზა - დიდი პრობლემაა, რომ დონალდ ტრამპი ხშირად არც კი უსმენს მის მთავარ მრჩევლებს, რომლებიც ამბობენ - „ყურადღება მიაქციეთ საქართველოს“
დენიელ ფრიდი - ამერიკა არც „პროსააკაშვილურია“ და არც „პროივანიშვილური“, ჩვენ საქართველოს მხარეს ვართ
ტექნიკის უდიდესი გამოფენა ევროპაში, სახელწოდებით IFA 2019, ბერლინში დასრულდა
პუტინს ცემახი უსათუოდ სჭირდება (R)
ვანო ჩხარტიშვილი - მამუკა ხაზარაძე ურცხვად ტყუის
სუპერმარკეტების ქსელი „მაგნიტი“ გრანდიოზულ წამახალისებელ გათამაშებას იწყებს
გალფი ტურისტული ზონების დასუფთავების მასშტაბურ აქციას იწყებს
გალფი ტურისტული ზონების დასუფთავების მასშტაბურ აქციას იწყებს