დავით ზალკალიანის განმარტებით, უცხოენოვან „დოიჩე ველეში“ არ იძებნება სტატია, რომელიშიც გიორგი გახარია „რუსეთის კაცად“ არის მოხსენიებული
გასარკვევია, რომელი გამოცემის მხრიდანაა ეს გამოქვეყნებული - უცხოენოვანი „დოიჩე ველეს“ გამოცემაში მსგავსი სტატია არ იძებნება, - ამის შესახებ საქართველოს საგარეო საქმეთა მინისტრმა, დავით ზალკალიანმა განაცხადა.
მან ისაუბრა „დოიჩე ველეს“ იმ გამოცემაზე, რომელშიც საქართველოს ახალი პრემიერ-მინისტრი, გიორგი გახარია ნახსენებია, როგორც „რუსეთის კაცი“.
“გასარკვევია, ჯერ ერთი, რომელი გამოცემის მხრიდანაა ეს გამოქვეყნებული, რადგან უცხოენოვანი „დოიჩე ველეს“ გამოცემაში მსგავსი სტატია არ იძებნება. ეს არის რუსული გამოცემა, ამიტომ დეტალურად შევისწავლით, თუ რასთან გვაქვს საქმე და ბუნებრივია, სწორი ინფორმაცია იქნება მიწოდებული ყველასთვის“, - აღნიშნა ზალკალიანმა.
