საქართველოს ადგილობრივ თვითმმართველობათა ეროვნულმა ასოციაციამ (NALAG) უკრაინის დელეგაციას უმასპინძლა

საქართველოს ადგილობრივ თვითმმართველობათა ეროვნულმა ასოციაციამ (NALAG) უკრაინის ადგილობრივი თვითმმართველობების 28-კაციან დელეგაციას უმასპინძლა. ამის შესახებ „ინტერპრესნიუსს“ ათეა-დან აცნობეს. მათი ინფორმაციით, შეხვედრა, რომელიც სასწავლო ტურის, „მუნიციპალური გამჭვირვალობა და შესყიდვების პროცესის გაუმჯობესება” ფარგლებში გაიმართა, ათეა-ს აღმასრულებელმა დირექტორმა გახსნა. დავით მელუამ სტუმრებს საქართველოს ადგილობრივ თვითმმართველობათა ეროვნული ასოციაციის საქმიანობის შესახებ მიაწოდა ინფორმაცია და ორგანიზაციის განხორციელებული და სამომავლო პროექტები გააცნო, მან, ასევე, ისაუბრა ადგილობრივი დემოკრატიის ხელშეწყობის მიმართულებით ქვეყანაში გატარებულ ღონისძიებებზე და სასწავლო ტურის პროგრამა მიმოიხილა.

შეხვედრას, საქართველოს ადგილობრივ თვითმმართველობათა ეროვნული ასოციაციის ექსპერტები - ნინო ზურაბიშვილი და კახა გურგენიძე, ასევე სახელმწიფო შესყიდვების სააგენტოს უფროსი ექსპერტ-კონსულტანტი, დავით მორალიშვილი, ესწრებოდნენ, რომლებმაც უკრაინელ სტუმრებს პრეზენტაციები წარუდგინეს და საქართველოს ადგილობრივი თვითმმართველობის სისტემის, ასევე, მუნიციპალური ფინანსებისა და ბიუჯეტის შესახებ მიაწოდეს ინფორმაცია. უკრაინის დელეგაცია სასწავლო ტურის ფარგლებში საქართველოს რეგიონული განვითარებისა და ინფრასტრუქტურის სამინისტროში და სხვა სახელმწიფო უწყებებში, ასევე თბილისის, სიღნაღისა და თელავის მუნიციპალიტეტებში გამართავს შეხვედრებს, სადაც სტუმრები, დეცენტრალიზაციის რეფორმის, ადგილობრივ დონეზე შესყიდვების სამოქალაქო მონიტორინგისთვის გამოყენებული მეთოდებისა და პროცედურების, ასევე, მუნიციპალიტეტების ადგილობრივი ბიუჯეტისა და მისი პრიორიტეტების შესახებ მოისმენენ ინფორმაციას.

სასწავლო ტური, რომელიც უკრაინის USAID-ის DG East-ის დაფინანსებითა და ათეა-ს თანამშრომლობით ხორციელდება, 13 სექტემბერს დასრულდება.

რამაზ საყვარელიძე - იმ სოციოლოგიური კვლევების ფონზე, რაც მრავლად ტარდება, გაუგებარია, საიდან გაუჩნდა ოპოზიციას არჩევნებში გამარჯვების და მთავრობის შექმნის იმედი
ქართული პრესის მიმოხილვა 19.10.2020
ეუთოს სადამკვირვებლო მისიის ხელმძღვანელი ჯილიან სტირკი - ყველას შევახსენებდი, რომ საქმე პოლიტიკური პროცესის მთლიანობას ეხება, სწორედ ეს დევს სასწორზე
ევექსი კლინიკები მომხმარებლების უსაფრთხოებისთვის COVID 19-ის PCR ტესტირების პროცესს ცვლის
ირმა ინაშვილი - "ქართული ოცნება" კოვიდ ეპიდემიის თემას ოსტატურად იყენებს და თავის ნაცვლად ექიმებს ალაპარაკებს!" (R)
სოსო შატბერაშვილი - "თუ გსურთ შერიგება ოსებთან და აფხაზებთან - მხარი "პატრიოტთა ალიანსს" დაუჭირეთ!" (R)
გურამ ნიკოლაიშვილი: ვეტერანთა უფლებებს მხოლოდ "პატრიოტთა ალიანსი"დაიცავს! (R)