ქეთევან ციხელაშვილი - ერთობლივი ძალისხმევით შევძლებთ, აღვადგინოთ ნდობის ხიდები და წავახალისოთ თანამშრომლობა საერთო ინტერესების გარშემო

შერიგებისა და სამოქალაქო თანასწორობის საკითხებში სახელმწიფო მინისტრი ქეთევან ციხელაშვილი ამერიკის შეერთებული შტატების საერთაშორისო განვითარების სააგენტოს (USAID) ადმინისტრატორის თანაშემწეს ევროპისა და ევრაზიის საკითხებში, ბროკ ბირმანს შეხვდა. როგორც „ინტერპრესნიუსს“ შერიგებისა და სამოქალაქო თანასწორობის საკითხებში სახელმწიფო მინისტრის პრესსამსახურიდან აცნობეს, შეხვედრაზე საუბარი შეეხო ოკუპირებულ ტერიტორიებზე არსებულ სიტუაციას. ასევე, გამყოფ ხაზებთან მცხოვრები მოსახლეობის გამოწვევებს, რომელთაც მათ ოკუპაცია უქმნის. მათ შორის, გადაადგილების შეზღუდვით გამოწვეულ პრობლემებს. სახელმწიფო მინისტრის თქმით, მოსახლეობის მხარდასაჭერად, საქართველოს ხელისუფლება, პარტნიორებთან ერთად, ყველაფერს აკეთებს.

„ამერიკის შეერთებული შტატები ჩვენი სტრატეგიული პარტნიორია. განვითარების სააგენტო წლების განმავლობაში ეხმარება საქართველოს სახელმწიფოს კონფლიქტის მშვიდობიანი მოგვარებასა და კონფლიქტით დაზარალებული ადამიანების მხარდაჭერაში. დღეს ვისაუბრეთ ჩვენს ძალიან მჭიდრო პარტნიორობაზე სწორედ კონფლიქტის მოგვარების მიმართულებით და გეგმებზე, რომლებიც მათთან გვაქვს. კერძოდ, იმ ადამიანების დახმარების თვალსაზრისით, რომლებიც კონფლიქტით ყველაზე მეტად ზარალდებიან. ესენი არიან გამყოფი ხაზების ორივე მხარეს მცხოვრები ადამიანები, რომლებიც ოკუპაციას უმკლავდებიან. ასევე, ვისაუბრეთ თანამშრომლობაზე საქართველოს სამშვიდობო ინიციატივის ფარგლებში იმ მზარდი ინტერესის საპასუხოდ, რომელიც ორივე ოკუპირებულ რეგიონში მცხოვრები მოსახლეობის მხრიდან ფიქსირდება. დარწმუნებული ვარ, ჩვენი პარტნიორებისა და ყველა ამ ორგანიზაციის ერთობლივი ძალისხმევით შევძლებთ, მავთულხლართების მიუხედავად, აღვადგინოთ ნდობის ხიდები და რაც მთავარია, წავახალისოთ თანამშრომლობა საერთო ინტერესების გარშემო“, - განაცხადა ქეთევან ციხელაშვილმა.

მარკო მიკელსონი - საქართველომ ყურადღების მოსაპოვებლად უნდა იბრძოლოს - პატარა ქვეყნები იმაზე დიდები უნდა ვიყოთ, ვიდრე ფიზიკურად ვართ
ქართული პრესის მიმოხილვა 27.02.2020
ირაკლი მელაშვილი - ვფიქრობ, საარჩევნო სისტემასთან დაკავშირებით არსებულ  ფონზე ხელისუფლებას გაუჭირდება ოპოზიციისთვის მოლაპარაკებების ჩაშლის გადაბრალება
როგორ დავაჩქაროთ მდგრადი განვითარების მიზნების განხორციელება აზიასა და წყნარ ოკეანეთში
ადგილობრივი სასტუმროების ჯგუფური და ინდივიდუალური დაჯავშნის ონლაინ პლატფორმა HOTEL HUB GEORGIA ბაზარზე ოპერირებას ამიერიდან HOTEL HUB GROUP-ის სახელით გააგრძელებს
„ბადაგონს“ საუკეთესო ქართული ღვინის კომპანიის სტატუსი მიენიჭა
GM Pharma-ს („ჯი-ემ-პი“) ხარისხის ახალი ISO სერტიფიკატი გადაეცა
სამსუნგმა Galaxy S20 სერია წარადგინა
PSP პირველი ჩაერთო გაეროს განვითარების პროგრამის პროექტში „სოციალური დაცვის სისტემის გარდაქმნა შეზღუდული შესაძლებლობის მქონე პირებისთვის“
BDO-მ ინფორმაციული უსაფრთხოების საერთაშორისო სტანდარტის ISO/IEC 27001 სერტიფიცირება გაიარა