11 სექტემბერს საქართველოს საკრებულოს წევრ ქალთა ფორუმის მე-6 ყოველწლიური კონფერენცია გაიმართება. ღონისძიებას ფორუმის 150 წევრი, საქართველოს მთავრობის, პარლამენტის, სამოქალაქო საზოგადოებისა და საერთაშორისო ორგანიზაციების წარმომადგენლები დაესწრებიან.

კონფერენციის მონაწილეები საქართველოს რეგიონებში მოქმედ სოციალურ და ეკონომიკურ პროგრამებზე, ასევე ქალთა პოლიტიკური და ეკონომიკური გაძლიერების გზებზე იმსჯელებენ.

ღონისძიების ორგანიზატორია „საქართველოს მუნიციპალური მომსახურების უზრუნველმყოფთა ასოციაცია (MSPA)“, გაეროს განვითარების პროგრამის (UNDP) მხარდაჭერითა და შვეიცარიის, შვედეთის, დანიისა და ავსტრიის მთავრობების ფინანსური ხელშეწყობით.

ღონისძიებას ასევე დაესწრებიან: საქართველოს პარლამენტის თავმჯდომარის პირველი მოადგილე, გენდერული თანასწორობის საბჭოს თავმჯდომარე თამარ ჩუგოშვილი, შვედეთის ელჩი საქართველოსა და სომხეთში ულრიკ თიდესტრომი, ავსტრიის ელჩი საქართველოში არად ბენკო, აშშ-ის ელჩის მოვალეობის შემსრულებელი საქართველოში ელიზაბეტ რუდი, შვეიცარიის განვითარებისა და თანამშრომლობის სააგენტოს სამხრეთ კავკასიის რეგიონული დირექტორი დანიელ მევლი და გაეროს განვითარების პროგრამის (UNDP) მუდმივი წარმომადგენელი საქართველოში ლუიზა ვინტონი.

ცნობისთვის, ღონისძიება 11 სექტემბერს, 09:30 საათზე, სასტუმროში „შერატონ გრანდ მეტეხში“ გაიმართება.