"მთელი პასუხისმგებლობით შემიძლია განვაცხადო, რომ მიხეილ კალანდია არის საქართველოს პარლამენტის მმართველი პოლიტიკური ძალისა და "ევროპული საქართველოს" ერთობლივი გარიგების პროდუქტად ციხეში მოთავსებული ადამიანი", - ამის შესახებ ჟურნალისტებთან საუბრისას მიხეილ კალანდიას ადვოკატმა ზურაბ თოდუამ განაცხადა.
მისი თქმით, მათი ეს გადაწყვეტილება ზაზა სარალიძის დაშოშმინებას ემსახურება.
„მთელი პასუხისმგებლობით შემიძლია განვაცხადო, რომ მიხეილ კალანდია არის საქართველოს პარლამენტის მმართველი პოლიტიკური ძალისა და "ევროპული საქართველოს" ერთობლივი გარიგების პროდუქტად ციხეში მოთავსებული ადამიანი. რამეთუ, ოღონდ არ იყოს „ბუნტი“ ამ პრინციპს ემსახურება მათი ეს გადაწყვეტილება, ამით დააშოშმინეს სარალიძე, რომელიც ძალიან დიდ პრობლემას უქმნიდა ქალაქს და სახელმწიფოს თავისი საქციელით, ამის გამო გაითამაშეს ეს სპექტაკლი და მიხეილ კალანდია მოთავსებულია საპყრობილეში სრულიად დაუსაბუთებლად“, - განაცხადა ზურაბ თოდუამ.
მიხეილ კალანდიას ადვოკატის განცხადებით, ხვალ სასამართლოში დანიშნულია სხდომა, რომელიც დახურულია და აუცილებლად უნდა გასაჯაროვდეს.
„საქმის მასალების შესწავლის შედეგად შემიძლია განვაცხადო, რომ კალანდიას დაურღვიეს დაცვის უფლება, სხდომის საჯაროობის პრინციპი, შეჯიბრებითობის და თანასწორონის პრინციპი, რის საფუძველზეც ხვალ მაქვს შუამდგომლობა საქალაქო სასამართლოს მოსამართლის წინაშე, რომ სხდომა, რომელიც დახურულია სრულიად უსაფუძვლოდ, გასაჯაროვდეს. პროკურატურის მიერ "შეთითხნილი" ბრალი დასაბუთებას ვერ ჰპოვებს და მიხეილ კალანდიას მიმართ უნდა დადგეს გაუმართლებელი განაჩენი, რამეთუ ვარაუდების საფუძველზე არათუ ადამიანის გასამართლება, არამედ დაკავებაც არ შეიძლება“, - განაცხადა ზურაბ თოდუამ.
ცნობისთვის, მიხეილ კალანდია ხორავას ქუჩაზე დავით სარალიძის ჯგუფურად დამამძიმებელ გარემოებებში ჩადენილი მკვლელობის ბრალდებით სამართალდამცავებმა 4 ივნისს დააკავეს. მას აღკვეთის ღონისძიების სახით პატიმრობა 6 ივნისს შეეფარდა.