გია ვოლსკი - მეხუთე მუხლის გარეშე ნატო-ს წევრობის საკითხი ხვალვე გადაწყდება, თუკი ნატო-ს წევრი ქვეყნები ამაზე თანხმობას გამოაცხადებენ

მე-5 მუხლის გარეშე ნატო-ს წევრობის საკითხი ხვალვე გადაწყდება, თუკი ნატო-ს წევრი ქვეყნები ამაზე თანხმობას გამოაცხადებენ, - ამის შესახებ საპარლამენტო უმრავლესობის ლიდერმა გია ვოლსკიმ ჟურნალისტებს განუცხადა. მისი თქმით, ამ საკითხს მხოლოდ საქართველო არ წყვეტს და საჭიროა პარტნიორებთან კონსულტაცია.

„ვიღაცა ეცადა, რომ წარმოეჩინა ისე, თითქოს პირადად რასმუსენს ან ნატო-ს რაიმე კითხვის ნიშანი აქვს საქართველოს ტერიტორიულ მთლიანობასთან დაკავშირებით. საბედნიეროდ, ამ თემამ განვითარება ვერ ჰპოვა. რაც შეეხება მე-5 მუხლის გარეშე ნატო-ს წევრობას, ეს თემა ხვალვე გადაწყდება, თუკი ნატო-ს წევრი ქვეყნები ამაზე თანხმობას გამოაცხადებენ და თუკი იქნება სათანადო მუშაობა იმისთვის, რომ ამას დაძაბულობის გაღვივება არ მოჰყვეს. მხოლოდ საქართველო არ წყვეტს ამ საკითხს. პარტნიორებთან კონსულტაციებია საჭირო, ამ გადაწყვეტილების რეალობასთან დაკავშირებით.

ოპონენტებს პასუხისმგებლობა არაფერზე არ აქვს. მათი ერთადერთი მიზანია, როგორმე დაძაბულობა შემოიტანონ საზოგადოებაში. ამაზე რომც მიდიოდეს ინტენსიური კონსულტაციები, არის საკითხები, რომელთა დაკავშირებითაც არავითარი ანგარიშვალდებულება ჩვენ ესოდენ დესტრუქციულ ოპოზიციასთან არ გვაქვს,"- განაცხადა გია ვოლსკიმ.

ალექსანდრე თვალჭრელიძე - საქართველოსთვის ნატოსთან ინტეგრაციის ლოდინი იქამდე, ვიდრე საქართველო გამთლიანდება, ჩვენი სასიცოცხლო ინტერესების ღალატია
ქართული პრესის მიმოხილვა 17.09.2019
საქართველოს საგარეო პოლიტიკა - ნაბიჯები მომავლისკენ
საქართველოს მოქალაქეები შეძლებენ უფასოდ გაიარონ კონსულტაცია უცხოელ ექიმებთან