საკრებულოში დაპირისპირება მოხდა - ლევან ხაბეიშვილმა კახა კალაძეს „კორუმპირებული“, კალაძემ კი ხაბეიშვილს „გაფარჩაკებული“ უწოდა

დედაქალაქის საკრებულოში მუნიციპალიტეტის მთავრობის სხდომის დასრულების შემდეგ ოპოზიციონერ დეპუტატს ლევან ხაბეიშვილსა და თბილისის მერს კახა კალაძეს შორის შელაპარაკება მოხდა. ხაბეიშვილმა კახა კალაძეს საკრებულოს დერეფანში განუცხადა, რომ მასთან კითხვები აქვს. შელაპარაკება სიტყვიერ დაპირისპირებაში გადაიზარდა. ხაბეიშვილმა კალაძეს "კორუმპირებული" უწოდა, კალაძემ კი ასე მიმართა: "სულ ასეთი გაფარჩაკებული იქნები".

ხაბეიშვილის განცხადებით, მას დედაქალაქის მერთან კითხვები ჰქონდა ინფრასტრუქტურულ პროექტებთან დაკავშირებით, ასევე, მერიაში მიმდინარე სარემონტო სამუშაოებზე. როგორც ხაბეიშვილი აცხადებს, თბილისის მერი კომფორტულ ავეჯს ყიდულობს და თავისთვის ოთახებს ირემონტებს.

"153 ათას ლარს თქვენი ოთახის გარემონტებისთვის რატომ იხდით? გორგოლაჭებიანი სკამების ყიდვა რომ გინდათ, ნორმალურია? რატომ გეშინიათ რომ რაღაცაზე მიპასუხოთ?"- მიმართა ხაბეიშვილმა კალაძეს.

"თქვენი როგორ უნდა მეშინოდეს, როცა ასე იქცევით. შეურაცხყოფას აყენებთ მთავრობის სხდომაზე მყოფ ადამიანებს. თქვენ ვერ შემოხვალთ, ვიდრე ბოდიშს არ მოუხდით მთავრობის თითოეულ წევრს და იქნებით ასეთი გაფარჩაკებული",- მიმართა კალაძემ ხაბეიშვილს.

იხილეთ ვიდეო

ალექსანდრე თვალჭრელიძე - „ქართული ოცნების“ ეკონომიკური პროგრამა გაცილებით უფრო მოკრძალებული, მაგრამ, ამავდროულად, გაცილებით უფრო რეალისტურია
გია ხუხაშვილი - თუ პროპორციულ არჩევნებში ხელისუფლებამ ვერ მოახერხა 40%-იანი ბარიერის გადალახვა, ხელისუფლებას მეორე ტურში შეიძლება შეექმნას სერიოზული პრობლემა
ქართული პრესის მიმოხილვა 17.09.2020
რან გიდორი - სწრაფვა მშვიდობისკენ კორონავირუსის დასამარცხებლად
"მემარცხენე ალიანსის" ლიდერი კახა ძაგანია - "ვხსნით ჩვენს პარტიას რეგისტრაციიდან და ვუერთდებით "პატრიოტთა ალიანსს"
ირმა ინაშვილი - ჩვენთან მიმართებაში გამოცხადებულია საინფორმაციო ბლოკადა
წინანდლის მამული რიგით მეორე მუსიკალურ ფესტივალს მასპინძლობს
წინანდლის მუზეუმს შარლ დე გოლის წერილები გადაეცა