გია ვოლსკი - მე არანაირად არ მაწუხებს ნიკა მელიას პარლამენტში მოსვლა და თუნდაც ცრუპენტელობა, მაგრამ თუ სამართლებრივი საკითხია მოსაგვარებელი, სასამართლომ უნდა გადაწყვიტოს

მე არანაირად არ მაწუხებს ნიკა მელიას პარლამენტში მოსვლა, თუნდაც ტრიბუნიდან გამოსვლა და ცრუპენტელობა, - ამის შესახებ საპარლამენტო უმრავლესობის ლიდერმა გია ვოლსკიმ ჟურნალისტებს განუცხადა. ამით ის გამოეხმაურა „ნაციონალური მოძრაობის" წევრის, დეპუტატ ნიკა მელიას მიერ ტელეეთერით გამოსვლას და ამით კანონის შესაძლო დარღვევას. ვოლსკის თქმით, ეს სამართლებრივი საკითხია, რომელიც სასამართლომ უნდა გადაწყვიტოს.

ნიკა მელია მოვიდა პარლამენტში, სიტყვით გამოვიდა და ჩვენ, როგორც ხედავთ, ამაზე რეაქცია არ გვქონია. რაც სამართალდამცავი ორგანოების მხრიდან არის გადასაწყვეტი, მათ უნდა გადაწყვიტონ. თუ ტელეეთერით გამოსვლის უფლება არ ჰქონდა, სამართლებრივად იდავოს და სასამართლომ გადაწყვიტოს. აქ პოლიტიკური დავა და ხელის გადაწევა უადგილოა იმიტომ, რომ მე მაგალითად, არანაირად არ მაწუხებს მისი პარლამენტში მოსვლა, თუნდაც ტრიბუნიდან გამოსვლა და ცრუპენტელობა, მაგრამ რეალურად თუკი სამართლებრივი საკითხია მოსაგვარებელი, სასამართლომ უნდა გადაწყვიტოს,"- განაცხადა გია ვოლსკიმ.

შეგახსენებთ, ნიკა მელიამ გუშინ ტელეკომპანია „კავკასიას“ ინტერვიუ მისცა. მანამდე, დეპუტატმა „ფეისბუქზე“ გავრცელებულ ვიდეოში განაცხადა, რომ ინტერვიუს შესახებ მისმა ადვოკატმა აცნობა პროკურორს, პასუხად კი კატეგორიული უარი მიიღო.

როგორც „ინტერპრესნიუსს“ პროკურატურაში განუცხადეს, იმსჯელებენ მომხდარ ფაქტზე და მოახდენენ შესაბამის სამართლებრივ რეაგირებას.

იხილეთ ვიდეო

გია ხუხაშვილი - თუ პროპორციულ არჩევნებში ხელისუფლებამ ვერ მოახერხა 40%-იანი ბარიერის გადალახვა, ხელისუფლებას მეორე ტურში შეიძლება შეექმნას სერიოზული პრობლემა
ქართული პრესის მიმოხილვა 17.09.2020
ზვიად კირტავა -  ახლა, როცა ვირუსს უკეთ ვიცნობთ, შეიძლება უფრო წერტილოვანი, ხანმოკლე და ლოკალური შეზღუდვების იმედად ვიყოთ
რან გიდორი - სწრაფვა მშვიდობისკენ კორონავირუსის დასამარცხებლად
"მემარცხენე ალიანსის" ლიდერი კახა ძაგანია - "ვხსნით ჩვენს პარტიას რეგისტრაციიდან და ვუერთდებით "პატრიოტთა ალიანსს"
ირმა ინაშვილი - ჩვენთან მიმართებაში გამოცხადებულია საინფორმაციო ბლოკადა
წინანდლის მამული რიგით მეორე მუსიკალურ ფესტივალს მასპინძლობს
წინანდლის მუზეუმს შარლ დე გოლის წერილები გადაეცა