„საქართველოს რკინიგზის” დელეგაციამ პოლონეთში გამართულ რიგით მესამე სატრანსპორტო კონფერენციაში მიიღო მონაწილეობა

„საქართველოს რკინიგზის” დელეგაციამ პოლონეთის რესპუბლიკის ქალაქ კრაკოვში გამართულ რიგით მესამე სატრანსპორტო კონფერენციაში მონაწილეობა მიიღო. ამის შესახებ ,,ინტერპრესნიუსს’’ „საქართველოს რკინიგზიდან’’ აცნობეს.

მათივე ცნობით, კომპანიის გენერალურმა დირექტორმა დავით ფერაძემ კონფერენციის მონაწილეებს სიტყვით მიმართა, რომელთა შორის პოლონეთის სამთავრობო უწყებები, მსხვილი ბიზნესისა და სექტორის უცხოელი წარმომადგენლები იყვნენ.

„დავით ფერაძემ ყურადღება საქართველოს სატრანზიტო პოტენციალზე გაამახვილა და ქვეყნის ტერიტორიაზე გამავალ სატრანსპორტო დერეფნებსა და „საქართველოს რკინიგზის” ინიცირებულ სხვადასხვა პროექტებზე ისაუბრა. კონფერენციის ფარგლებში, კომპანიის დელეგაციამ, PKP LHS-ს წარმომადგენლებთან, ორმხრივი მოლაპარაკებები გამართა და ერთობლივი სამოქმედო გეგმაზე შეჯერდა, ევროპა-აზია-ევროპის მარშრუტზე დამატებითი ტვირთების მოზიდვის მიზნით, მათ შორის ბაქო-თბილისი-ყარსის სარკინიგზო მარშრუტის გამოყენებით.

ქართულმა მხარემ კონფერენციის მონაწილეებს საქართველო-რუმინეთსა და საქართველო-უკრაინას შორის რეგულარული საფიდერო მიმოსვლის ამოქმედების შესახებ ინფორმაცია მიაწოდა, რაც მნიშვნელოვნად შეამცირებს კონტეინერების გადაზიდვის ხანგრძლივობასა და ღირებულებას შავ ზღვაზე“, - ნათქვამია ინფორმაციაში.

პაატა ზაქარეიშვილი - რუსეთი ცხინვალის რეგიონში აქტიურობით ცდილობს აიძულოს საქართველო რაღაც ფორმით გადავიდეს მოსკოვთან დიალოგის ფორმატზე
ქართული პრესის მიმოხილვა 16.09.2019
მეთიუ ბრაიზა - დიდი პრობლემაა, რომ დონალდ ტრამპი ხშირად არც კი უსმენს მის მთავარ მრჩევლებს, რომლებიც ამბობენ - „ყურადღება მიაქციეთ საქართველოს“
დენიელ ფრიდი - ამერიკა არც „პროსააკაშვილურია“ და არც „პროივანიშვილური“, ჩვენ საქართველოს მხარეს ვართ
სუპერმარკეტების ქსელი „მაგნიტი“ გრანდიოზულ წამახალისებელ გათამაშებას იწყებს
გალფი ტურისტული ზონების დასუფთავების მასშტაბურ აქციას იწყებს