სამშენებლო კომპანია m² „სვეტის“ მიერ დაზარალებული ოჯახებისთვის სპეციალურ ინფორმაციას ავრცელებს

სამშენებლო კომპანია m² კომპანია „სვეტის“ მიერ დაზარალებული ოჯახებისთვის სპეციალურ ინფორმაციას ავრცელებს. როგორც „ინტერპრესნიუსს“ კომპანია m²-დან აცნობეს, კომპანია დაზარალებულებთან დაკავშირებას 16 სექტემბრიდან დაიწყებს. მათივე ცნობით, 23 სექტემბრიდან ორი თვის განმავლობაში შეხვედრები დაზარალებულებთან წინასწარ შეთანხმებული ინდივიდუალური გრაფიკის მიხედვით მოხდება.

„თბილისის მუნიციპალიტეტსა და დეველოპერულ კომპანია „m² უძრავი ქონებას“ შორის, ურთიერთთანამშრომლობის მემორანდუმი გაფორმდა. აღნიშნული დოკუმენტის ფარგლებში, მხარეებმა გამოთქვეს მზადყოფნა, კომპეტენციის ფარგლებში, ხელი შეუწყონ სამშენებლო კომპანია „სვეტის“ მიერ დაზარალებული მოსახლეობის წინაშე არსებული ვალდებულებების შესრულებას, დაუმთავრებელი მშენებლობების დასრულების გზით.

„სვეტის“ დაზარლებულმა მენაშენეებმა გთხოვთ პირადი შეტყობინების სახით მოგვწეროთ თქვენი საკონტაქტო ინფორმაცია, ჩვენი წარმომადგენელი დაგიკავშირდებათ და ჩაგინიშნავთ შეხვედრას.

შეკითხვა შეგიძლიათ გამოაგზავნოთ შემდეგ მეილზე: svetiinfo@m2.ge

ან დაგვიკავშირდეთ შემდეგ ნომრებზე: ნუცუბიძის ქუჩის #125-ის დაზარალებულები: 588 88 00 10; მირცხულავას ქუჩა #9-11-ის დაზარალებულები: 588 88 01 87; ჭყონდიდელის ქუჩის #22-ის დაზარალებულები: 588 88 07 81.

დაკავშირება დაიწყება 16 სექტემბრიდან და შეხვედრები დაინიშნება 23 სექტემბრიდან 2 თვის განმავლობაში დაზარალებულებთან წინასწარ შეთანხმებული ინდივიდუალური გრაფიკის მიხედვით. „სვეტის“ დაზარალებულებთან შეხვედრები გაიმართება ქ, თბილისში ვაჟა-ფშაველას გამზ. 35-ში მდებარე გაყიდვების ოფისში“, - ნათქვამია m²-ის მიერ გავრცელებულ სპეციალურ მიმართვაში.

ცნობისთვის, თბილისის მუნიციპალიტეტსა და დეველოპერულ კომპანია „m2 უძრავი ქონებას“ შორის, ურთიერთთანამშრომლობის მემორანდუმი გაფორმდა. აღნიშნული დოკუმენტის ფარგლებში, მხარეებმა გამოთქვეს მზადყოფნა, კომპეტენციის ფარგლებში, ხელი შეუწყონ სამშენებლო კომპანია „სვეტის“ მიერ დაზარალებული მოსახლეობის წინაშე არსებული ვალდებულებების შესრულებას, დაუმთავრებელი მშენებლობების დასრულების გზით. მშენებლობების დასრულების მიზნით, m2 კომპანია „სვეტის“ თბილისში მდებარე სამ შეჩერებულ პროექტს გადაიბარებს და 2500-მდე ოჯახს საცხოვრებელ ბინებს გადასცემს.

პაატა ზაქარეიშვილი - რუსეთი ცხინვალის რეგიონში აქტიურობით ცდილობს აიძულოს საქართველო რაღაც ფორმით გადავიდეს მოსკოვთან დიალოგის ფორმატზე
ქართული პრესის მიმოხილვა 16.09.2019
მეთიუ ბრაიზა - დიდი პრობლემაა, რომ დონალდ ტრამპი ხშირად არც კი უსმენს მის მთავარ მრჩევლებს, რომლებიც ამბობენ - „ყურადღება მიაქციეთ საქართველოს“
დენიელ ფრიდი - ამერიკა არც „პროსააკაშვილურია“ და არც „პროივანიშვილური“, ჩვენ საქართველოს მხარეს ვართ
სუპერმარკეტების ქსელი „მაგნიტი“ გრანდიოზულ წამახალისებელ გათამაშებას იწყებს
გალფი ტურისტული ზონების დასუფთავების მასშტაბურ აქციას იწყებს