გენერალური აუდიტორი საფინანსო-საბიუჯეტო კომიტეტს 12 სექტემბერს სახელმწიფო აუდიტის სამსახურის ყოველწლიურ ანგარიშს წარუდგენს

გენერალური აუდიტორი ირაკლი მექვაბიშვილი პარლამენტის საფინანსო-საბიუჯეტო კომიტეტს 12 სექტემბრის სხდომაზე სახელმწიფო აუდიტის სამსახურის ყოველწლიურ ანგარიშს წარუდგენს.

კომიტეტსა და შემდეგ უკვე პარლამენტის პლენარულ სხდომაზე სახელმწიფო აუდიტის სამსახურის ანგარიში საგაზაფხულო სესიაზე - ივნისში უნდა განეხილათ, თუმცა განხილვა საშემოდგომო სესიისთვის გადაიდო.

სახელმწიფო აუდიტის სამსახურის წლის საქმიანობის ანგარიშის მიხედვით, ჩატარებული ფინანსური და შესაბამისობის აუდიტების შედეგად გამოვლენილი დარღვევების ჯამურმა მოცულობამ 66 მლნ ლარი შეადგინა.

2018 წელს აუდიტის სამსახურმა 25 ფინანსური და 53 შესაბამისობის აუდიტი ჩაატარა, რაც მთლიანი განხორციელებული აუდიტორული საქმიანობის 87%-ს შეადგენს. აუდიტების შედეგად გამოვლენილი დარღვევების ჯამურმა მოცულობამ კი, 66 მლნ ლარი შეადგინა.

“აღნიშნული დარღვევები ძირითადად წარმოადგენს საბიუჯეტო რესურსების არაეფექტიანი, არაეკონომიური და არამიზნობრივი გამოყენების შემთხვევებს და არ მოიცავს აღრიცხვა­-ანგარიშგების მიმართულებით იდენტიფიცირებულ ნაკლოვანებებს. აუდიტის სამსახურმა გააანალიზა გასული წლის ფინანსური და შესაბამისობის აუდიტების მიგნებები და გამოკვეთა ისეთი სისტემური ხასიათის დარღვევები, რომლებიც სახელმწიფოსთვის მნიშვნელოვანი და აქტუალურია“, - აღნიშნულია ანგარიშში.

უფრო კონკრეტულად, ანგარიშის მიხედვით, 21 მლნ ლარის დარღვევაა გამოვლენილი შესყიდვების მართვაში, რაც გულისხმობს შემდეგ დარღვევებს: მომწოდებლისათვის საჯარიმო სანქციის ან პირგასამტეხლოს დაუკისრებლობა; მომწოდებლის მიერ საჯარიმო სანქციის ან პირგასამტეხლოს გადაუხდელობა; დოკუმენტური დასაბუთების გარეშე ანაზღაურებული სამუშაოები; მომწოდებლის მიერ შეუსრულებელი ან ნაწილობრივ დასრულებული სამუშაოები; სატენდერო დოკუმენტაციაში შემზღუდავი პირობების არსებობის შედეგად არაეკონომიურად გახარჯული თანხები.

20,2 მლნ ლარის დარღვევა გამოვლინდა აქტივების მართვის მიმართულებით, სადაც მოიაზრება: იჯარით გაცემულ სახელმწიფო ქონებაზე გადაუხდელი საიჯარო ქირა; ბუნებრივი რესურსების სარგებლობიდან ბიუჯეტში მიუმართავი სახსრები; სახელმწიფო ქონების პრივატიზება საბაზრო ღირებულებაზე დაბალ ფასად; საიჯარო ქირის გარეშე სარგებლობაში გადაცემული სახელმწიფო ქონება.

24,4 მლნ ლარის დარღვევა კი, საბიუჯეტო რესურსების მართვას უაკვშირდება, სადაც იგულისხმება: გამოუყენებელი მარაგები; ფაქტობრივად შესრულებულ სამუშაოებზე საბაზრო ღირებულებაზე მეტი ოდენობით თანხების ანაზღაურება; შესყიდული საქონლის/მომსახურების გამოუყენებლობა.

პაატა ზაქარეიშვილი - რუსეთი ცხინვალის რეგიონში აქტიურობით ცდილობს აიძულოს საქართველო რაღაც ფორმით გადავიდეს მოსკოვთან დიალოგის ფორმატზე
ქართული პრესის მიმოხილვა 16.09.2019
მეთიუ ბრაიზა - დიდი პრობლემაა, რომ დონალდ ტრამპი ხშირად არც კი უსმენს მის მთავარ მრჩევლებს, რომლებიც ამბობენ - „ყურადღება მიაქციეთ საქართველოს“
დენიელ ფრიდი - ამერიკა არც „პროსააკაშვილურია“ და არც „პროივანიშვილური“, ჩვენ საქართველოს მხარეს ვართ
სუპერმარკეტების ქსელი „მაგნიტი“ გრანდიოზულ წამახალისებელ გათამაშებას იწყებს
გალფი ტურისტული ზონების დასუფთავების მასშტაბურ აქციას იწყებს