ჩრდილოეთ გერმანიაში პოლიციამ მასშტაბური სპეცოპერაცია ჩაატარა. „დოიჩე ველეს“ ინფორმაციით, სამართალდამცველებმა ჩხრეკა 16 ობიექტში ჩაატარეს.

დღევანდელი სპეცოპერაციის მიზანი იყო ტერორიზმის დაფინანსების აღკვეთა. კრიმინალური დაჯგუფების წევრობის ბრალდებით ორი ადამიანი დააკავეს.

პოლიციის ინფორმაციით, დაჯგუფების წევრები არალეგალურად რიცხავდნენ დიდი ოდენობით თანხმებს საზღვარგარეთ, კონკრეტულად კი სირიაში. ვარაუდობენ, რომ აღნიშნული თანხმები ხმარდებოდა, მათ შორის, ტერორისტული დაჯგუფება „ისლამური სახელმწიფოს“ დაფინანსებას.

გამოცემის ინფორმაციით, ფულადი გზავნილები განხორციელდა 2018 წლის დეკემბრიდან 2019 წლის ივლისამდე პერიოდში. ამ დრომდე დგინდება, ვინ იყო ფულის წყარო.