ნინო გოგუაძე თბილისის მერიასა და კომპანია m2-ს შორის დადებულ შეთანხმებას  დადებითად აფასებს

დეპუტატი ნინო გოგუაძე თბილისის მერიასა და კომპანია m2-ს შორის დადებულ შეთანხმებას ეხმაურება და დადებითად აფასებს. როგორც „ ინტერპრესნიუსს“ საქართველოს პარლამენტიდან აცნობეს ნინო გოგუაძე მიიჩნევს მერიის ინიციატივა საუკეთესოა საჯარო-კერძო პარტნიორობით ქალაქის ურთულესი პრობლემის - შეჩერებული მშენებლობების საკითხის მოწესრიგება.

"ადვილი წარმოსადგენია რამდენ ადამიანს გაახარებს თბილისის მერიის და კომპანია m2-ის შეთანხმება, რითაც ხელი უნდა შეუწყონ თბილისში სამ მისამართზე - მირცხულავას ქუჩის #9-11, ნუცუბიძის ქუჩის # 125ა და ჭყონდიდელის ქუჩა #22 შეჩერებული მშენებლობების დასრულების პროცესს.

წლების მანძილზე საკითხი მოუგვარებელ პრობლემად გამოიყურებოდა და ათასობით დაზარალებული ადამიანი მშენებლებთან დაუსრულებელ მოლაპარაკებებში იყო ჩართული. დღეისთვის კი, ამ პროექტით, რომელიც 30 საცხოვრებელ ბლოკს აერთიანებს, 2500 მაცხოვრებლის საკითხი უკვე გადაწყვეტილია და მობინადრეები საცხოვრებელ სახლებს ელოდებიან", - აცხადებს დეპუტატი.

შეგახსენებთ, თბილისის მუნიციპალიტეტსა და დეველოპერულ კომპანია „m2 უძრავი ქონებას“ შორის, ურთიერთთანამშრომლობის მემორანდუმის გაფორმდა. დოკუმენტის ფარგლებში, მხარეებმა გამოთქვეს მზადყოფნა, კომპეტენციის ფარგლებში, ხელი შეუწყონ სამშენებლო კომპანია „სვეტის“ მიერ დაზარალებული მოსახლეობის წინაშე არსებული ვალდებულებების შესრულებას, დაუმთავრებელი მშენებლობების დასრულების გზით. კერძოდ, მშენებლობა დაიწყება პროექტების შეთანხმებისა და სამშენებლო ნებართვების აღებისთანავე. მშენებლობა დასრულდება ნებართვების აღებიდან სამი წლის ვადაში.

ვლადიმერ ფესენკო - უკრაინის გარეშე უკრაინის მომავალზე შეთანხმების ნებისმიერი მცდელობები დამარცხებისთვისაა განწირული
ქართული პრესის მიმოხილვა 23.07.2021
თორნიკე შარაშენიძე - ხელისუფლების სერიოზული შეცდომა იყო ვაშინგტონისთვის არასწორი ინფორმაციის მიწოდებაში აშშ-ს ელჩის დადანაშაულება, შესაძლოა, ეს ამბავი მათ მომავალში ცუდადაც კი დაუბრუნდეთ
დავით ტატიშვილის სამედიცინო ცენტრმა ამჯერად ახალი ამბულატორიული ცენტრი აჭარის რეგიონში, ბათუმში გახსნა
"ალდაგში" ავტოდაზღვევის კამპანია დაიწყო - დააზღვიე და მზად ხარ!
კახა ოქრიაშვილი ე.წ. ჩრდილოვან კაბინეტთან დაკავშირებით პოზიციას ავრცელებს
ელემენტ კონსტრაქშენი ISO 9001:2015-ის მფლობელი გახდა
პორშეს ახალი, უნიკალური ელექტრომობილი Taycan Cross Turismo საქართველოშია