იურიდიულ საკითხთა კომიტეტის გადაწყვეტილებით, უზენაესი სასამართლოს მოსამართლეობის კანდიდატებთან დაკავშირებით სამუშაო ჯგუფი შეიქმნა

პარლამენტის იურიდიულ საკითხთა კომიტეტის გადაწყვეტილებით, შეიქმნა სამუშაო ჯგუფი, რომელიც პარლამენტისთვის წარდგენილი უზენაესი სასამართლოს მოსამართლეობის კანდიდატების კონსტიტუციისა და სხვა კანონის მოთხოვნებთან შესაბამისობის დადგენის ხელშეწყობის მიზნით, კანდიდატების შესახებ შესაბამის დოკუმენტაციას შეისწავლის.

სამუშაო ჯგუფში წარმოდგენილი იქნებიან: საპარლამენტო უმრავლესობაში შემავალი ფრაქციებიდან ანრი ოხანაშვილი, ზაზა გაბუნია, რატი იონათამიშვილი, სოფო ქაცარავა, ნინო გოგუაძე, გურამ მაჭარაშვილი, აკაკი ზოიძე;

"პატრიოტთა ალიანსიდან" გელა მიქაძე, დამოუკიდებელი დეპუტატების კვოტით კი ლევან გოგიჩაიშვილი.

ჯგუფის წევრობის შეთავაზება, 1 კვოტით, მიღებული აქვს ფრაქცია "ნაციონალურ მოძრაობასაც", თუმცა ჯერჯერობით უცნობია, მიიღებენ თუ არა ჯგუფის მუშაობაში მონაწილეობას.

რაც შეეხება "ევროპულ საქართველოს", ისინი სამუშაო ჯგუფში მონაწილეობაზე უარს ამბობენ.

გარდა ამისა, სამუშაო ჯგუფის წევრები იქნებიან თსუ-ის იურიდიული ფაკულტეტის დეკანი თამარ ზარანდია, მეცნიერებათა ეროვნული აკადემიის წევრი ჯონი ხეცურიანი და იურიდიული სამსახურის ხელმძღვანელი. ჯგუფის მუშაობაში, ასევე , ჩაერთვება ადვოკატთა ასოციაციის თავმჯდომარეც იმ შემთხვევაში, თუ ქვეყანაში იქნება.

აღსანიშნავია, რომ კომიტეტის გადაწყვეტილებით, სამუშაო ჯგუფში წარმოდგენილი არ იქნება არასამთავრობო ორგანიზაციების არც ერთი წევრი

კომიტეტის გადაწყვეტილებით, სამუშაო ჯგუფს მუშაობისთვის განესაზღვრა 10 დღე. იურიდიული კომიტეტის ფარგლებში მოსამართლეობის კანდიდატებისთვის მოსმენა და საჯარო განხილვები დაიწყება 23 სექტემბერს.

ნათია თურნავა - ყველა წინაპირობაა, რომ 2021 წელი წარმატებული წელი იყოს
ქართული პრესის მიმოხილვა 22.05.2020
ზაალ ანჯაფარიძე - საკონსტიტუციო პროცესის ბოიკოტირება ოპოზიციას პოლიტიკურად დააზიანებს და გააძლიერებს განცდას, რომ ისინი არჩევნებისთვის კი არა, არაკონსტიტუციური ქმედებისთვის ემზადებიან
რატომ არ უნდა დავუბრუნდეთ ძველ “ნორმალურ” ცხოვრებას
Wolt - კვლავ ღამის 3 საათამდე