საინფორმაციო ცენტრში „ნატოსა და ევროკავშირის შესახებ“ საქართველოს გეშტალტთერაპევტთა ასოციაციის (სგა) პრეზენტაცია გაიმართება. ცენტრის ინფორმაციით, ასოციაციის არსებობა მნიშვნელოვანია ქართველი ფსიქოთერაპევტების საერთაშორისო ასპარეზზე გასვლისთვის.

პრეზენტაციაზე საუბარი იქნება ევროპულ სტანდარტებზე, რომელიც ფსიქოთერაპიაში, კერძოდ - გეშტალტთერაპიის სფეროში საქართველოს მასშტაბით დაინერგება. გეშტალტთერაპია ფსიქოთერაპიის ერთ-ერთი მიმართულებაა, რომლის მიზანიც პიროვნების გამთლიანებაა. მისი ფუძემდებელი გერმანელი მეცნიერი ფრიც პერლზი გახლავთ. თერაპიის მთავარი მიზანი საკუთარი თავის შეცნობა ანუ თვითშემეცნებაა.

პრეზენტაცია 16:00 საათზე გაიმართება.