უზენაესმა სასამართლომ მხარი დაუჭირა დონალდ ტრამპის გეგმას, რომელიც მიგრანტებს აშშ-ში თავშესაფრის მოთხოვნის შესაძლებლობას უზღუდავს

აშშ-ის უზენაესმა სასამართლომ მხარი დაუჭირა პრეზიდენტ დონალდ ტრამპის ადმინისტრაციის გეგმას, რომელიც მნიშვნელოვნად ზღუდავს მიგრანტების შესაძლებლობას, თავშესაფარი აშშ-ში მოითხოვონ, - ამის შესახებ ინფორმაციას „ბიბისი“ ავრცელებს.

მათივე ინფორმაციით, ახალი წესის თანახმად, იმ ადამიანებმა, რომლებიც აშშ-ში მესამე ქვეყნის გავლით შედიან, თავშესაფარი სწორედ იმ მესამე ქვეყანაში უნდა მოითხოვონ. ხოლო იმ შემთხვევაში, თუ მიგრანტს მესამე ქვეყანა თავშესაფარზე უარს ეტყვის, ან ის ადამიანებით ვაჭრობის მსხვერპლია, თავშესაფრის მოთხოვნით შეუძლია აშშ-ს მიმართოს.

ცენტრალური ამერიკიდან მომავალი მიგრანტები აშშ-ის საზღვრამდე მექსიკის გავლით აღწევენ. „ბიბისის“ განმარტებით, ცვლილება ნიშნავს იმას, რომ მიგრანტებს ჰონდურასიდან, ნიკარაგუადან და ელ სალვადორიდან მოუწევთ, რომ თავშესაფარი არა აშშ-ში, არამედ მექსიკაში ითხოვონ. თუმცა ცვლილება არა მხოლოდ აღნიშნულ რეგიონში, არამედ მის ფარგლებს გარეთ მცხოვრებ ადამიანებსაც შეეხება.

პრეზიდენტმა დონალდ ტრამპმა საკონსტიტუციო სასამართლოს აღნიშნულ გადაწყვეტილებას “შეერთებული შტატების საკონსტიტუციო სასამართლოს დიდი გამარჯვება უწოდა.“

მიხეილ კალანდია - თამამად შემიძლია ვთქვა, რომ 19 წლის ასაკში პოლიტიკური პატიმარი ვარ
ქართული პრესის მიმოხილვა 19.11.2019
დავით უსუფაშვილი - „გერმანული მოდელი“ სწორედ იმიტომ იქნა შერჩეული, რომ იგი ყველაზე ადეკვატური კონტრნაბიჯია, რათა პროცესები კონტროლიდან არ გამოვიდეს
სოფლის მეურნეობის განვითარების გეგმები და შესაძლებლობები - კონფერენცია "ექსპოჯორჯიაში" გაიმართება
დიდი ხანია ემზადები შავი პარასკევისთვის?! (R)
BCard - "ემბისის" ბიზნეს ბარათი მცირე ფერმერებისა და მიკრო მეწარმეებისთვის
უნიმანია "უნიქარდისგან" - ექსკლუზიური შეთავაზება მინიმალური ქულებით (R)