მარიამ ქვრივიშვილი ამერიკული ავიაკომპანიების ხელმძღვანელებს საქართველოს ტურისტულ პოტენციალს გააცნობს

ამერიკის შეერთებული შტატები ჩვენთვის მნიშვნელოვან ტურისტულ ბაზარს წარმოადგენს, - ამის შესახებ ტურიზმის ეროვნული ადმინისტრაციის ხელმძღვანელმა მარიამ ქვრივიშვილმა განაცხადა, რომელიც აშშ-ში მსოფლიოს ერთ-ერთ უმსხვილეს ავიაკომპანიებთან მოლაპარაკებაზე იმყოფება.

მისი თქმით, ამერიკელი ტურისტები მთელ მსოფლიოში მაღალი მხარჯველობით გამოირჩევიან.

„ჩვენ გვაქვს მომზადებული კვლევა, რომელსაც ამერიკულ ავიაკომპანიებთან შეხვედრაზე წარვადგენთ და კვლევაზე დაყრდნობით მათ ვაჩვენებთ, თუ რამხელა ტურისტული პოტენციალი არსებობს საქართველოსა და ამერიკის შეერთებულ შტატებს შორის პირდაპირი ავიარეისების არსებობისთვის“, - განაცხადა მარიამ ქვრივიშვილმა.

როგორც „ინტერპრესნიუსს“ ტურიზმის ეროვნული ადმინისტრაციიდან აცნობეს, მარიამ ქვრივიშვილი იმ დელეგაციის წევრია, რომელსაც ეკონომიკისა და მდგრადი განვითარების მინისტრი ხელმძღვანელობს.

ეკონომიკის მინისტრი ნათია თურნავა მსოფლიოს ერთ-ერთი უმსხვილესი ავიაკომპანიების Delta Air Lines-ისა და United-ის წარმომადგენლებს საქართველოს შესახებ დეტალურ პრეზენტაციას წარუდგენს.

შეხვედრაზე ტურიზმის ეროვნული ადმინისტრაციის ხელმძღვანელი მარიამ ქვრივიშვილი საქართველოს ტურისტული პოტენციალის შესახებ და ამერიკის შეერთებული შტატებიდან ტურისტული ნაკადების გაზრდის მიზნით მიმდინარე მარკეტინგული კამპანიების შესახებ ისაუბრებს.

პაატა ზაქარეიშვილი - რუსეთი ცხინვალის რეგიონში აქტიურობით ცდილობს აიძულოს საქართველო რაღაც ფორმით გადავიდეს მოსკოვთან დიალოგის ფორმატზე
ქართული პრესის მიმოხილვა 13.09.2019
მეთიუ ბრაიზა - დიდი პრობლემაა, რომ დონალდ ტრამპი ხშირად არც კი უსმენს მის მთავარ მრჩევლებს, რომლებიც ამბობენ - „ყურადღება მიაქციეთ საქართველოს“
დენიელ ფრიდი - ამერიკა არც „პროსააკაშვილურია“ და არც „პროივანიშვილური“, ჩვენ საქართველოს მხარეს ვართ
ტექნიკის უდიდესი გამოფენა ევროპაში, სახელწოდებით IFA 2019, ბერლინში დასრულდა
პუტინს ცემახი უსათუოდ სჭირდება (R)
ვანო ჩხარტიშვილი - მამუკა ხაზარაძე ურცხვად ტყუის
სუპერმარკეტების ქსელი „მაგნიტი“ გრანდიოზულ წამახალისებელ გათამაშებას იწყებს
გალფი ტურისტული ზონების დასუფთავების მასშტაბურ აქციას იწყებს
გალფი ტურისტული ზონების დასუფთავების მასშტაბურ აქციას იწყებს