ჯერ არანაირი პარტიული იდეოლოგია, პარტიული ხედვა, საზოგადოებისთვის შეთავაზება, ვინ რას აპირებს, არ მოგვისმენია, - ამის შესახებ პარლამენტის იურიდიული კომიტეტის თავმჯდომარე ანრი ოხანაშვილმა ჟურნალისტებს ბიზნესმენ მამუკა ხაზარაძის მიერ საზოგადოებრივი მოძრაობის დაფუძნებასთან დაკავშირებით განუცხადა.
ოხანაშვილის თქმით, შეფასებებს მას შემდეგ გააკეთებს, რაც მოძრაობის გეგმები გახდება ცნობილი.
„თუკი გაჟღერდება და გვეცოდინება, რას აპირებენ, რა ღირებულებებს, რა ხედვას სთავაზობენ, რა სარგებლის მოტანა შეუძლიათ ჩვენი საზოგადოებისთვის, ამის შემდეგ გავაკეთებთ შეფასებებს", - განაცხადა ანრი ოხანაშვილმა.
შეგახსენებთ, რომ მამუკა ხაზარაძის საზოგადოებრივი მოძრაობის პრეზენტაცია დღეს, ანაკლიაში გაიმართება.