მიხეილ კალანდიას ადვოკატი - ზაზა სარალიძის პასუხები მაინტერესებს პოლიტიკურ აქციებთან, პოლიტიკურ განცხადებებთან დაკავშირებით

ზაზა სარალიძის პასუხები მაინტერესებს პოლიტიკურ აქციებთან, პოლიტიკურ განცხადებებთან დაკავშირებით, - ამის შესახებ ჟურნალისტებს ხორავას ქუჩაზე დავით სარალიძის ჯგუფურად დამამძიმებელ გარემოებებში ჩადენილი მკვლელობის ბრალდებით დაკავებული მიხეილ კალანდიას ადვოკატმა, ზურაბ თოდუამ განუცხადა.

როგორც ის განმარტავს, დაზარალებულის სტატუსით დასაკითხ ზაზა სარალიძესთან მას ბევრი კითხვა აქვს.

„ბატონი ზაზა სარალიძე ამ საქმეში დაზარალებულია და მისთვის არავის დაუსვამს ისეთი კითხვები, რომელიც დაცვის მხარეს აქვს. ეს საქმე არის ზედმეტად პოლიტიზირებული, მე მისი პასუხები მაინტერესებს პოლიტიკურ აქციებთან, პოლიტიკურ განცხადებებთან დაკავშირებით. ზაზა სარალიძე მუდმივად აკეთებდა განცხადებებს, რომ ხელისუფლება უნდა დაემხოს, ეს გადადგეს, ის უნდა გადადგესო, რუსთაველის პროსპექტი გადაკეტა. მაჩალიკაშვილთან კავშირში რატომ არის? უამრავი კითხვა მაქვს.

ზაზა სარალიძე ღრმად არის დარწმუნებული იმაში, რომ გამოძიება, რომელიც ჩაატარა კუპრავამ, ლეგიტიმური და ჭეშმარიტია, ასევე ის მასალებიც. საქმე ეხება მის პირველ და მეორე ჩვენებებს, მის დამოკიდებულებას პროკურორებისა და გამოძიებისადმი. სარალიძის განცხადება ასეთია, რომ მიხეილ კალანდიამ ორგანიზება გაუკეთა დამნაშავეთა ჯგუფს, რომლებიც შეიარაღებული იყვნენ, დანებით, შტირებით და ა.შ. და განზრახული ჰქონდათ ორი, ან ორზე მეტი ადამიანის მკვლელობა. ის ბრალი, რასაც ახლა კალანდიას ედავებიან, აბსოლუტურად დაუსაბუთებელია", -აცხადებს თოდუა.

ნანა ჩაჩუა - არჩევნების წინ არსებულ ვითარებას შევაფასებდი როგორც სიურრეალიზმს, თანაც ისეთს, როგორსაც სალვადორ დალიც კი ვერ წარმოიდგენდა
ქართული პრესის მიმოხილვა 26.10.2020
ილჰამ ალიევი იაპონურ გაზეთ Nikkei-სთან ინტერვიუში - ომის შემდეგ სომხეთს შეუძლია, აზერბაიჯანისა და თურქეთის პარტნიორი გახდეს
გოჩა თევდორაძე - სიღარიბის და უმუშევრობის დაძლევისთვის ჩვენს მოსახლეობას საოჯახო ბიზნესს შევუქმნით (R)
მერაბ ჭიქაშვილი - "პატრიოტთა ალიანსი" ერთადერთი პარტიაა, რომელსაც კანონის აღსრულება შეუძლია!" (R)
საქართველოში პირველად ჰიბრიდული B2B ფორუმი ჩატარდა