ირაკლი აბესაძე -  იუსტიციის საბჭოს მსგავსად, პარლამენტში პროცედურა მიკერძოებული იქნება, მოსამართლეობის იმ კანდიდატების გასაყვანად, რომლებზეც გადაწყვეტილება  მიღებულია

მაშინ, როცა ეუთო-ს შეფასებით, იუსტიციის საბჭოში პროცედურა წარიმართა ბუნდოვნად, მიკერძოებით, რა თქმა უნდა, მნიშვნელოვანი იყო პარლამენტში სამუშაო ჯგუფი შექმნილიყო ექსპერტების, არასამთავრობოების მონაწილეობით, - ამის შესახებ „ევროპული საქართველოს" წევრმა ირაკლი აბესაძემ ჟურნალისტებთან განაცხადა.

მისივე თქმით, სამუშაო ჯგუფის საქმიანობა ფორმალური ხასიათია იქნება, ამიტომ "ევროპული საქართველო" ამ პროცესში არ ჩაერთვება.

„იურიდიულმა კომიტეტმა გააგრძელა ფორმალური ხასიათის პროცედურები ისევე, როგორც საბჭოში იყო და სამუშაო ჯგუფის მანდატად განსაზღვრა მხოლოდ და მხოლოდ კანდიდატების დაბადების მოწმობების, შრომის წიგნაკების და დიპლომის გადამოწმება, რაც ძალიან ტექნიკური სამუშაოა და ამისთვის ექსპერტების მოწვევა საჭირო არ არის, მათ უარი უთხრეს არასამთავრობო სექტორს წარმომადგენლის ჩართვაზე, მხოლოდ და მხოლოდ ფასადური პროცედურებისთვის ჩვენ არ ვაპირებთ მონაწილეობის მიღებას. ნათელია, რომ იუსტიციის საბჭოს მსგავსად, პროცედურა იქნება უკიდურესად მიკერძოებული და ნაკლებ გამჭვირვალე იმ კანდიდატების გასაყვანად, რომლებზეც გადაწყვეტილება უკვე მიღებულია“, - განაცხადა ირაკლი აბესაძემ.

მისივე თქმით, საბოლოოდ პულტზე ხელის მიჭერისას ისინი იხელმძღვანელებენ საკუთარი პოლიტიკური პრეფერენციებით და დავალებებით, რომელიც მოუვათ ტელეფონში საკუთარ ჩათში.

პარლამენტში უზენაესი სასამართლო მოსამართლეობის კანდიდატების განხილვისა და მათთან გასაუბრების პროცესი იწყება.

იუსტიციის უმაღლესმა საბჭომ მოსამართლეობის 20-კაციანი სია და მათთან დაკავშირებული ინფორმაცია პარლამენტს გასულ კვირას გადაუგზავნა. გუშინ კი, პარლამენტის იურიდიულ საკითხთა კომიტეტის გადაწყვეტილებით სამუშაო ჯგუფი შეიქმნა, რომლის ამოცანაა, ხელი შეუწყოს კანდიდატების კანონმდებლობასთან შესაბამისობის დადგენას.

სამუშაო ჯგუფისთვის 10-დღიანი ვადა განისაზღვრა. 10 დღის შემდეგ, იურიდიულ საკითხთა კომიტეტში უზენაესი სასამართლოს მოსამართლეობის კანდიდატებთან ინდივიდუალურად გასაუბრების პროცესი დაიწყება.

დეპუტატრ ანრი ოხანაშვილის ცნობით, კანდიდატებთან დაკავშირებული ინფორმაცია კომიტეტის ყველა წევრს უკვე გადაეგზავნა და დღესვე, პარლამენტის ვებ-გვერდის მეშვეობით გასაჯაროვდება.

ნანა ჩაჩუა - არჩევნების წინ არსებულ ვითარებას შევაფასებდი როგორც სიურრეალიზმს, თანაც ისეთს, როგორსაც სალვადორ დალიც კი ვერ წარმოიდგენდა
ქართული პრესის მიმოხილვა 22.10.2020
ილჰამ ალიევი იაპონურ გაზეთ Nikkei-სთან ინტერვიუში - ომის შემდეგ სომხეთს შეუძლია, აზერბაიჯანისა და თურქეთის პარტნიორი გახდეს
პარტია “ალეკო ელისაშვილი - მოქალაქეების” ერთ-ერთი ლიდერი ქეთი თურაზაშვილი - აუცილებელია განათლების სისტემის რეფორმა და “კომაროვის” მოდელი
დავით თარხან-მოურავი - ვინც კოდორი და ახალგორი ჩააბარა, ის გვაცხადებს რუსეთის აგენტად - ამაზე დაფიქრდით (R)
დავით თარხან-მოურავი - მოსახლეობის უმეტესობა ირჩევს "საქართველოს პატრიოტთა ალიანსს (R)
„ბადაგონმა“ თანამშრომლების უსაფრთხოებისთვის PCR ტესტირება დაიწყო
გიორგი ლომია - "ოცნება" და "ნაცმოძრაობა" იმდენად შეერწყნენ ერთმანეთს, რომ დღეს უკვე ერთნი არიან" (R)
პაატა ჯიბლაძე - "პატრიოტთა ალიანსი" ერთადერთი ძალაა, რომელიც ყოველთვის ქვეყნის ინტერესებიდან გამომდინარე მოქმედებს (R)
ნანა დევდარიანი - "პატრიოტთა ალიანსი" უსწრებს "ქართულ ოცნებას" (R)