თბილისის სახელმწიფო სამედიცინო უნივერსიტეტის სტუდენტებმა მორიგი საზაფხულო კლინიკური სტაჟირება გაიარეს

თბილისის სახელმწიფო სამედიცინო უნივერსიტეტის სტუდენტების მორიგ საზაფხულო კლინიკურ სტაჟირებას, ამჯერად, ონდოკუზ მაის სახელობის საუნივერსიტეტო კლინიკამ (სამსუნი, თურქეთი) უმასპინძლა. ინფორმაციას თბილისის სახელმწიფო სამედიცინო უნივერსიტეტის პრესსამსახური ავრცელებს.

12 აგვისტოდან 30 აგვისტოს ჩათვლით, აღნიშნულ კლინიკაში თსსუ-ის მედიცინის ფაკულტეტის სტუდენტებს, საზაფხულო სტაჟირებაზე თსსუ-ის ნევროლოგიის დეპარტამენტის ასოცირებული პროფესორი, ომარ სამუშია ხელმძღვანელობდა. მათ, პირველ სასწავლო დღეს, ონდოკუზ მაის სახელობის უნივერსიტეტის მედიცინის ფაკულტეტის დეკანის მოადგილე და თითოეული მიმართულების ხელმძღვანელი შეხვდა.

„სტუდენტები საზაფხულო სტაჟირების განმავლობაში გადანაწილებულნი იყვნენ: რადიოლოგიის, ოფთალმოლოგიის, ნეიროქირურგიისა და გადაუდებელი მედიცინის დეპარტამენტებში. როგორც სტუდენტები აღნიშნავენ, რადიოლოგიის დეპარტამენტის ხელმძღვანელი - პროფესორი ჩეტინ ჩელენკი, კურატორი - მესუტ ოზილი, გადაუდებელი მედიცინის დეპარტამენტის ხელმძღვანელი - პროფესორი აჰმეტ ბაიდინი, ნეიროქირურგიის დეპარტამენტის ხელმძღვანელი - პროფესორი ჯენგიზ ჩოკლუკი, ოფთალმოლოგიის დეპარტამენტის ხელმძღვანელი - პროფესორი ინჩი გუნგორი, მათ მიმართ განსაკუთრებულ ყურადღებას იჩენდნენ.

სტუდენტები ესწრებოდნენ კონსულტაციებს, გამოკვლევებსა და ქირურგიულ ოპერაციებს. ასრულებდნენ სხვადასხვა სამედიცინო მანიპულაციებს, ამუშავებდნენ სამედიცინო ლიტერატურას, არჩევდნენ საინტერესო კლინიკურ შემთხვევებს პროფესორებთან ერთად. საზაფხულო კლინიკური სტაჟირების დასასრულს გაიმართა დაჯილდოების ცერემონია, სადაც სტუდენტებს სერტიფიკატები გადაეცათ“, - ნათქვამია ინფორმაციაში.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
აკადემიკოსი გიორგი ჯაფარიძე - ქვეყანა რომ წარმოდგენილი იყოს მსოფლიოს სამეცნიერო რუკაზე, აუცილებელია მასში მცხოვრები მეცნიერები თავისი საქმიანობით მონაწილეობდნენ საერთაშორისო სამეცნიერო პროცესში
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს