ზაზა ფირალიშვილი - ხელისუფლებამ ყველაფერი გააკეთა, რომ ხაზარაძეს სახსრები არ ჰქონოდა, რათა დიდი და მასშტაბური ღონისძიებისთვის გაეწია ორგანიზება

ხელისუფლებამ ყველაფერი გააკეთა, რომ ხაზარაძეს სახსრები არ ჰქონოდა, რათა დიდი და მასშტაბური ღონისძიებისთვის გაეწია ორგანიზება, - ამის შესახებ ფილოსოფოსმა ზაზა ფირალიშვილმა „ინტერპრესნიუსს“ მამუკა ხაზარაძის საზოგადოებრივი მოძრაობის „ლელოს“ პრეზენტაციის შესახებ საუბრისას განუცხადა.

მისი თქმით, ზოგადად, ხელისუფლებას შეუძლია, რომ საზოგადოებრივ მოძრაობას ხელი შეუშალოს, „ბორბლებში ჯოხი ჩაურჭოს, რომ ვერ იმოძრაოს“, მაგრამ საბოლოოდ ყველაფერს საზოგადოებრივი აზრი წყვეტს.

„მოლოდინი შეიძლება მართლაც არსებობდა, რომ ეს ყველაფერი გრანდიოზული იქნებოდა, მაგრამ ამას რომ თავი დავანებოთ, გავიხსენოთ, ხელისუფლებამ ყველაფერი გააკეთა, რომ სახსრები არ ჰქონოდა ხაზარაძეს საიმისოდ, რომ დიდი და მასშტაბური ღონისძიებისთვის გაეწია ორგანიზება. იმ მასშტაბებს, რაც ახლა ვიხილე, საკმაოდ სერიოზული ძალისხმევა დასჭირდებოდა, რომ ეს გაეკეთებინა. ხელისუფლება ზრუნავს იმაზე, რომ ამ მოძრაობამ მასშტაბები არ შეიძინოს. დამიჯერეთ, ვერაფერს იზამს ხელისუფლება, თუ რეალურად ექნება ამ მოძრაობას მხარდაჭერა საზოგადოების მხრიდან და თუ საზოგადოება იგრძნობს, რომ ეს მოძრაობა სწორედ მის ყველაზე დიდ სატკივარს, ყველაზე დიდი საფიქრალს პასუხობს,“ - განაცხადა ზაზა ფირალიშვილმა.

მისი თქმით, ქართულ პოლიტიკურ ცხოვრებაში „ნაციონალური მოძრაობისა“ და „ქართული ოცნების“ დაპირისპირების შედეგად, ჩიხი არსებობს. ფილოსოფოსის შეფასებით, ამ ფონზე ნიადაგი ძალზე ნოყიერია იმისათვის, რომ ახალი პოლიტიკური მოძრაობა გაჩნდეს, რომელიც სერიოზულ გავლენა მოახდენს პროცესებზე.

„იმედი მაქვს, რომ ამ მოძრაობის სახით კიდევ ერთი სერიოზული ძალა გაჩნდება ქართულ პოლიტიკურ ცხოვრებაში. იმიტომ, რომ ჩვენ ყველანი კარგად ვხედავთ, თუ რა ჭაობს დაემსგავსა ჩვენი პოლიტიკური ცხოვრება და რა ავსულებმა გაიღვიძეს... თუ არ ვცდები, 14-ში თუ 15-ში აპირებენ აქციას ამერიკის საელჩოსთან საქართველოს დეკოლონიზაციის მოთხოვნით. ამ ვითარებაში, რა თქმა უნდა, სასურველია, რომ გამოცოცხლდეს ქართული პოლიტიკური ცხოვრება და გაჩნდნენ ახალი ავტორები, რომლებისგანაც ამა თუ იმ ხარისხით მაინც რაციონალურ აზრს, ქვეყანაზე ზრუნვას ველით,“ - განაცხადა ზაზა ფირალიშვილმა.

შეგახსენებთ, „თიბისი ბანკის“ დამფუძნებლის, მამუკა ხაზარაძის საზოგადოებრივი მოძრაობის სახელწოდება „ლელო“ იქნება. შესაბამისი განცხადება ხაზარაძემ ანაკლიაში გააკეთა, სადაც მოძრაობის პრეზენტაცია გამართა.

ალექსეი მალაშენკო - სირიაში ყველაფერი ისევ ისე იქნება, როგორც აქამდე იყო,  ბაშარ ასადის შესანარჩუნებლად მოსკოვს ანკარასთან და თეირანთან კომპრომისებზე წასვლა უწევს
ქართული პრესის მიმოხილვა 19.09.2019
„სოფლად ცხოვრება, როგორც ტურისტული პროდუქტი” - რა იგეგმება ბათუმში 20-21 სექტემბერს?
საქართველოს საგარეო პოლიტიკა - ნაბიჯები მომავლისკენ
"ჩიპოლინო" – ევროპული საბავშვო აქსესუარები "ავერსის" ქსელში
დღეიდან, ლიბერთის ბარათით Apple Pay-ს საშუალებით გადახდისას ლიბერთის მომხმარებელი 5%-იან ქეშბექს მიიღებს
"ბაზისბანკის" შვილობილი კომპანია „ბი ეიჩ ელ ლიზინგი’’ მომხმარებელს ბაზარზე საუკეთესო პირობებს სთავაზობს
BDO-მ მე-4 კატეგორიის კომპანიების მომსახურებისთვის სპეციალური გუნდი გამოყო
რა მავნე ნივთიერებები აღმოაჩინა ჰამბურგის ლაბორატორიამ საქართველოდან გაგზავნილი თუთუნის შემადგენლობაში