მამუკა ხაზარაძე არის ის ადამიანი, რომელსაც პოლიტიკურად დევნიან და ამას წყალი არ გაუვა, თუმცა, მნიშვნელოვანია მისი პოლიტიკური გემოვნების ზუსტად ცოდნა,- ამის შესახებ დამოუკიდებელმა დეპუტატმა, ლევან გოგიჩაიშვილმა ჟურნალისტებთან მამუკა ხაზარაძის ახალ მოძრაობასთან დაკავშირებით განაცხადა.

მისივე თქმით, მნიშვნელოვანია ხაზარაძემ ისაუბროს, თუ ვისთან გეგმავს თანამშრომლობას.

„მე მჭირდება მისი მკაფიო ხედვა, როგორც მომავალთან დაკავშირებით, როგორც არსებული რეალობის შეფასება, ასევე მისი პოლიტიკური გემოვნების ზუსტად ცოდნაა მნიშვნელოვანი. მამუკა ხაზარაძე არის ნამდვილად ის ადამიანი, რომელსაც დევნიან დღეს პოლიტიკურად და ამას წყალი არ გაუვა. პოლიტიკური პროკურატურა არის მის წინააღმდეგ გამოყენებული. სავარაუდოდ, სასამართლოც იქნება მის წინააღმდეგ გამოყენებული. ის კლასიკურად პოლიტიკური დევნის ობიექტია, მაგრამ როგორ იქნება მისი პოლიტიკური პოზიციონერობა, ამას დიდი მნიშვნელობა აქვს,“- განაცხადა ლევან გოგიჩაიშვილმა.