ისრაელის პრემიერ-მინისტრი ბენიამინ ნეთანიაჰუ უარყოფს ინფორმაციას იმის თაობაზე, რომ ისრაელი აშშ-ში შპიონაჟს ახორციელებდა, - ამის შესახებ ინფორმაციას „ბიბისი“ ავრცელებს.
მათივე ინფორმაციით, ისრაელის პრემიერ-მინისტრის ოფისი აღნიშნულ ინფორმაციას „მტკნარ სიცრუეს“ უწოდებს.
„ისრაელს აქვს ხანგრძლივი ვალდებულება და დირექტივა მთავრობისგან, რომ აშშ-ში არანაირ სადაზვერვო ოპერაციაში არ უნდა ჩაერთოს,“ - აღნიშნულია პრემიერ მინისტრის ოფისის განცხადებაში.
შეგახსენებთ, ცნობილმა გამოცემა „პოლიტიკომ“ გამოაქვეყნა სტატია, სადაც აღნიშნულია, რომ ისრაელმა თეთრ სახლთან ახლოს და ვაშინგტონის სხვა მნიშვნელოვან ადგილებში მოსასმენი მოწყობილობა, ე.წ. StingRays-ები დაამონტაჟა. გამოცემის ინფორმაციით, მოსასმენი აპარატურის განთავსება ვაშინგტონში რამდენიმე მნიშვნელოვან ადგილზე მოხდა და მათი მიზანი დონალდ ტრამპზე თვალთვალის განხორციელება იყო.