ესპანეთში მომხდარ წყალდიდობას და-ძმის სიცოცხლე ემსხვერპლა

კოკისპირული წვიმების შედეგად გამოწვეულმა წყალდიდობამ ესპანეთში ორი ადამიანის სიცოცხლე შეიწირა,- ამის შესახებ ინფორმაციას სააგენტო „როიტერსი“ ადგილობრივ საგანგებო სიტუაციების სამსახურებზე დაყრდნობით ავრცელებს.

მათივე ინფორმაციით, კასტილა-ლა მანჩას რეგიონში მანქანა, რომელშიც 51 და 61 წლის და-ძმა ისხდა, მოვარდნილმა წყალმა წაიღო.

წყალდიდობაა მეზობელ ვალენსიაგას რეგიონშიც, სადაც ორი მდინარე ადიდდა და ათობით ადამიანის ევაკუაცია განხორციელდა. მოვარდნილმა წყალმა რამდენიმე მანქანა წაიღო და გზების ჩაკეტვა გამოიწვია ორიუელაშიც.

ვალენსიასა და მურციას რეგიონის სკოლებში სასწავლო პროცესი შეწყვეტილია, ვინაიდან სინოპტიკოსები წვიმების გაგრძელებას ელოდებიან.

ხელისუფლება სტიქიის ზონებში მცხოვრებ მოსახლეობას მოუწოდებს, სახლიდან გასვლისგან თავი შეიკავონ.

ძლიერი წვიმა და ქარიშხალი ესპანეთის აღმოსავლეთ სანაპიროზე შემოდგომის დასაწყისში ხშირი მოვლენაა. მას ადგილობრივი მოსახლეობა "la gota fria"-ს (ცივ ვარდნას) ეძახის. ეს ხდება მაშინ, როდესაც ხმელთაშუა ზღვის წყლით გაჯერებული თბილი ჰაერი ღრუბლის უზარმაზარ სვეტების წარმოქმნის.

ალექსანდრე თვალჭრელიძე - საქართველოსთვის ნატოსთან ინტეგრაციის ლოდინი იქამდე, ვიდრე საქართველო გამთლიანდება, ჩვენი სასიცოცხლო ინტერესების ღალატია
ქართული პრესის მიმოხილვა 17.09.2019
საქართველოს საგარეო პოლიტიკა - ნაბიჯები მომავლისკენ
საქართველოს მოქალაქეები შეძლებენ უფასოდ გაიარონ კონსულტაცია უცხოელ ექიმებთან