პრაღის პროკურორმა მარტინ ერაზიმმა ქვეყნის პრემიერ-მინისტრის და მილიარდერის ანდრეი ბაბიშის წინააღმდეგ სისხლის სამართლის საქმის გამოძიება შეწყვიტა. ის ზედამხედველი სახელმწიფო პროკურორის გადაწყვეტილებას დაეთანხმა, რომლის თანახმადაც, 2008 წელს ბაბიშის ფირმის მიერ ევროკავშირის სუბსიდიიდან 50 მილიონი კრონის (ორი მილიონი ევრო) მიღება კანონიერად და გამართლებულად მიიჩნიეს. ამ ინფორმაციას პრაღის პროკურატურის პრესსამსახური ავრცელებს.
ბაბიშის გარდა ბრალი მის მეუღლეს, ქალიშვილს, ცოლისძმას და ფირმის კიდევ ორ თანამშრომელს ჰქონდა წაყენებული. თუ პროკურატურა პრემიერს ბრალს ფინანსურ დანაშაულში ოფიციალურად წაუყენებდა, მას ათ წლამდე ციხე ემუქრებოდა.
ანდრეი ბაბიშმა ადრე განაცხადა, რომ მას ბრალი ოფიციალურადაც რომ წაუყენონ, ეს არაფერს შეცვლის და ის პრემიერის პოსტზე დარჩება. მან საქმეს პოლიტიკური მოწინააღმდეგების შეკვეთით შეთითხნილი უწოდა.
ამ ინფორმაციას „რია ნოვოსტი“ ავრცელებს.