თბილისის საკრებულოს ფრაქცია „ქართული ოცნება-დემოკრატიული საქართველოს“ თავმჯდომარის, ბექა დავითულიანის განცხადებით, ოპოზიციას საკრებულოს სხდომებზე დასწრება ეზარება. ამის შესახებ მან დღევანდელ სხდომაზე საუბრისას განაცხადა, რომელსაც არც "ნაციონალური მოძრაობა" და არც "ევროპული საქართველო" არ ესწრება.

"ევროპული საქართველო" უკვე რაღაც პერიოდია მუდმივი ბოიკოტის რეჟიმშია. "ნაციონალურ მოძრაობის" სხვადასხვა წევრს ძალიან ბევრი "მიზეზი" აქვს,

იმისთვის, სხდომებს რატომ არ უნდა დაესწრონ. მე მგონი, მარტივად რომ თქვან, ეზარებათ და არ ესწრებიან, მათაც გაუადვილდებათ ცხოვრება და თქვენც", - მიმართა ჟურნალისტებს ბექა დავითულიანმა.