ესპანეთში წყალდიდობის შედეგად დაღუპულთა რიცხვი გაიზარდა

ესპანეთის სამხრეთ-აღმოსავლეთ ნაწილში მომხდარი წყალდიდობის შედეგად სულ მცირე 5 ადამიანი დაიღუპა, 3 500 - კი ევაკუირებულია, - ამის შესახებ ინფორმაციას „ბიბისი“ ავრცელებს.

გავრცელებული ინფორმაციის თანახმად, ვალენსიაში, მურსიასა და აღმოსავლეთ ანდალუსიაში მდინარეები ადიდდა. კოკისპირულმა წვიმამ გზებზე ქაოსი გამოიწვია, მუშაობა შეწყვიტა საზოგადოებრივმა ტრანსპორტმა.

მურსიასა და ალმერიაში მდებარე ორი აეროპორტი დახურულია, მუშაობა შეაჩერა რამდენიმე სარკინიგზო სადგურმა. რეგიონში მდებარე სკოლების დიდ ნაწილში შეწყვეტილია სასწავლო პროცესი.

სამაშველო ოპერაციაში ჩართულია ათასობით პოლიციელი, მეხანძრე და ჯარისკაცი.

იხილეთ ვიდეო:

ალექსანდრე თვალჭრელიძე - საქართველოსთვის ნატოსთან ინტეგრაციის ლოდინი იქამდე, ვიდრე საქართველო გამთლიანდება, ჩვენი სასიცოცხლო ინტერესების ღალატია
ქართული პრესის მიმოხილვა 17.09.2019
საქართველოს საგარეო პოლიტიკა - ნაბიჯები მომავლისკენ
საქართველოს მოქალაქეები შეძლებენ უფასოდ გაიარონ კონსულტაცია უცხოელ ექიმებთან