არჩილ თალაკვაძე - ვერც „ევროპული საქართველოდან“ და ვერც ერთი სხვა პარტიიდან ცალკეული ადამიანის გადასაწყვეტი ვერ იქნება, რა უნდა მოხდეს მომავალში

ვერც „ევროპული საქართველოდან“ და ვერც ერთი სხვა პარტიიდან ცალკეული ადამიანის გადასაწყვეტი ვერ იქნება, თუ რა უნდა მოხდეს მომავალში, - ამის შესახებ პარლამენტის თავმჯდომარემ, არჩილ თალაკვაძემ განაცხადა. ის გამოეხმაურა „ევროპული საქართველოს“ ინიციატივას, რომ ყველა ოპოზიციურმა პარტიამ დააფიქსიროს პოზიცია იმასთან დაკავშირებით, რომ კოალიციაში არ შევლენ „ქართულ ოცნებასთან“.

„ეს არის ერთი კონკრეტული პარტიის და მისი ერთი ან ორი ლიდერის მხრიდან დანარჩენ ოპოზიციაზე მათი ხედვისა და დღის წესრიგის თავს მოხვევის მცდელობა. პირდაპირ გეტყვით, საზოგადოების დაკვეთაა, ჩატარდეს პროპორციული არჩევნები და არჩევნების შედეგების გათვალისწინებით გადაწყდეს, თუ ვინ აიღებს მმართველობაზე პასუხისმგებლობას, იქნება ეს ერთი გამარჯვებული პარტია ოპოზიციასთან ერთად, თუ იქნება პარტია, რომელიც საკმარის ხმებს მიიღებს ამისთვის. შესაბამისად, ვერც „ევროპული საქართველოდან“ და ვერც ერთი სხვა პარტიიდან, ვერც ერთი ცალკეული ადამიანის გადასაწყვეტი ვერ იქნება, თუ რა უნდა მოხდეს მომავალში. ეს არის მომავლის საქმე და ესაა არჩევნების გადასაწყვეტი“, - განაცხადა თალაკვაძემ.

მანვე დასძინა, რომ ქვეყანაში უნდა შეწყდეს საარჩევნო ყუთების გვერდის ავლით დღის წესრიგის წინასწარ დალაგება.

„ამ ქვეყანაში უნდა შეწყდეს არჩევნების გვერდის ავლით დღის წესრიგის წინასწარ დალაგება და ოპოზიციიდან ერთი ან ორი ადამიანის მხრიდან იმის განსაზღვრა, რაც არა მათ, არამედ მთელმა საზოგადოებამ უნდა განსაზღვროს არჩევნებით“, - აღნიშნა პარლამენტის თავმჯდომარემ.

შეგახსენებთ, „ევროპული საქართველო“ და „თავისუფალი დემოკრატები“ პროდასავლურ ოპოზიციურ პარტიებს მოუწოდებენ არჩევნების შემდეგ „ქართულ ოცნებასთან“ კოალიციაში არ შევიდნენ.

ვახტანგ ხმალაძე - ეუთო/ოდირის პასუხი საარჩევნო სისტემასთან დაკავშირებით ოპოზიციის წინადადებაზე სავარაუდოდ, ამ თვის ბოლომდე უნდა იყოს
ქართული პრესის მიმოხილვა 22.01.2020
ასლან ბჟანია - სოხუმსა და თბილისს შორის დიალოგი უნდა იყოს, როგორ ფორმატში, რა ფორმით, მნიშვნელობა არ აქვს
ხელოვნური ინტელექტი და სასამართლო - კიბერმართლმსაჯულება
"ლიბერთი ბანკსა" და "ევექსი კლინიკებს" შორის ურთიერთთანამშრომლობის მემორანდუმი გაფორმდა
"სილქნეტი" აგრძელებს ოპტიკური ქსელის განვითარებას რეგიონებში - დაფარვის ზონას დაემატა დუშეთი
Fitch-მა ტერაბანკს საკრედიტო რეიტინგი B+ მიანიჭა
სპორტში განხორციელებული ქველმოქმედებისთვის კომპანია "არქის" ჯილდო გადაეცა
KTW ჯგუფი გურიაში 14 მილიონზე მეტი ოდენობის ინვესტიციას ახორციელებს