ტუნისში დღეს მეორე თავისუფალი და დემოკრატიული საპრეზიდენტო არჩევნები ტარდება 2011 წლის შემდეგ, როცა ქვეყანაში ამბოხების შედეგად ექს-პრეზიდენტი ბენ ალი ჩამოაგდეს, - ამის შესახებ ინფორმაციას „ბიბისი“ ავრცელებს.

საპრეზიდენტო არჩევნებში 26 კანდიდატი მონაწილეობს, მათ შორის 2 ქალია.

არჩევნები ქვეყანაში ნოემბერში უნდა ჩატარებულიყო, თუმცა ივლისში 92 წლის პრეზიდენტის, ბეჯი კაიდ ეს-სებსის, გარდაცვალების გამო ვადამდელი საპრეზიდენტო არჩევნები დაინიშნა.

შეგახსენებთ, რომ 2011 წელს, ზინე ელ აბიდინე ბენ ალის ჩამოგდების შემდეგ, ესებსი ქვეყნის პრემიერ-მინისტრი, 2014 წელს კი ქვეყნის პირდაპირი წესით არჩეული პრეზიდენტი გახდა.

იხილეთ ვიდეო: