ერაყი უარყოფს მედიით გავრცელებულ ინფორმაციას, რომლის თანახმადაც, მათი ტერიტორია იყო გამოყენებული საუდის არაბეთში ნავთობობიექტებზე თავდასხმისთვის. ამის შესახებ „როიტერი“ იუწყება.

სააგენტოს ინფორმაციით, ოფიციალურმა ბაღდადმა უარყო მედიის ინფორმაცია და პირობა დადო, რომ დაისჯება ნებისმიერი, ვინც დააპირებს ერაყის ტერიტორია გამოიყენოს პლაცდარმად რეგიონში თავდასხმებისთვის.

ამასთან, სააგენტოს წყარომ აცნობა, რომ საუდის არაბეთს კვირები დასჭირდება ნავთობგადამამუშავებელი საწარმოების სრულად აღსადგენად.