თურქეთმა რუსეთიდან 27 აგვისტოს დაწყებული რუსული რაკეტსაწინააღმდეგო სისტემა „С-400“-ის მეორე ბატარეის მიღების პროცესი დაასრულა, რომელიც მოქმედებას 2020 წლის აპრილიდან დაიწყებს. ამის შესახებ „როიტერსი“ ქვეყნის თავდაცვის სამინისტროზე დაყრდნობით იუწყება.
სისტემის პირველი ნაწილის მიწოდება ანკარასთვის ივლისში განხორციელდა, მიუხედავად ამერიკის მიერ გაკეთებული განცხადებებისა სანქციებთან დაკავშირებით.
თურქეთის თავდაცვის სამინისტროს ინფორმაციით, მიმდინარეობს პერსონალის სწავლება, ვინც მის გამოყენაზე იმუშავებს.