ბიძინა ივანიშვილის ეროვნული ამოცანაა მამუკა ხაზარაძის პოლიტიკურად დასჯა,-ამის შესახებ "ევროპული საქართველოს" ერთ-ერთმა ლიდერმა გიგა ბოკერიამ ჟურნალისტებს საზოგადოებრივი მოძრაობა "ლელოს" დამფუძნებელის, მამუკა ხაზარაძის მიერ ბოლო პერიოდში გაკეთებული განცხადებებთან დაკავშირებით განუცხადა.
მისი თქმით, ივანიშვილი მაფიოზურ პრინციპებზე დაფუძნებულ სახელმწიფოს აშენებს, რაც ქვეყნისთვის დამანგრეველია.
"ის, რომ ბიძინა ივანიშვილმა მაფიოზური თამაშის წესები დაამკვიდრა, ყველამ ვიცოდით. ბატონი ხაზარაძის განცხადება, რომელიც დღეს პირდაპირი მსხვერპლია ამ თამაშის წესებისა და დევნის, კიდევ ერთხელ გვიმყარებს ყველა მოქალაქეს, არა მხოლოდ პარტიებს იმ აზრს, რომ ივანიშვილის და მისი გუნდის ეროვნული ამოცანაა ხაზარაძის პოლიტიკურად დასჯა",-განაცხადა ბოკერიამ.