კიმ ჩენ ინი დონალდ ტრამპს ფხენიანში იწვევს

ჩრდილო კორეის ლიდერმა კიმ ჩენ ინმა აშშ-ის პრეზიდენტს დონალდ ტრამპს წერილი გაუგზავნა და ფხენიანში მიიწვია, - ამის შესახებ ინფორმაციას სააგენტო „როიტერსი“ სამხრეთ კორეულ გამოცემაზე დაყრდნობით ავრცელებს.

აგვისტოს თვეში კიმ ჩენ ინმა დონალდ ტრამპს მსგავსი შინაარის წერილი უკვე მეორედ გაუგზავნა. გამოცემა Joongang Ilbo-ის ინფორმაციით, წერილში ჩრდილო კორეის ლიდერი გამოთქვამს სურვილს, რომ ტრამპს კიდევ ერთ სამიტზე შეხვდეს.

აღნიშნულ ინფორმაციაზე თეთრ სახლს, აშშ-ის სახელმწიფო დეპარტამენტს ან ჩრდილო კორეის მისიას გაეროში ჯერჯერობით კომენტარი არ გაუკეთებიათ.

დონალდ ტრამპმა 9 აგვისტოს განაცხადა, რომ კიმ ჩენ ინისგან სამ გვერდიანი, „მშვენიერი წერილი“ მიიღო და ჩრდილო კორეის ლიდერთან კიდევ ერთი შეხვედრა არ გამორიცხა.

აღსანიშნავია, რომ დონალდ ტრამპი და კიმ ჩენ ინი 2018 წლის ივნისის შემდეგ ერთმანეთს სამჯერ შეხვდნენ და ჩრდილო კორეის სარაკეტო და ბირთვულ პროგრამებთან დაკავშირებით შექმნილი კრიზისის მოგვარების გზები განიხილეს, თუმცა შეხვედრების დროს მხარეებს მნიშვნელოვანი პროგრესისთვის არ მიუღწევიათ. ბოლო შეხვედრა მათ შორის ივნისში, სამხრეთ და ჩრდილო კორეის დემილიტარიზაციის ზონაში შედგა, სადაც აშშ-ის პრეზიდენტი და ჩრდილო კორეის ლიდერი სამუშაო დონის მოლაპარაკებების განახლებაზე შეთანხმდნენ.

ზურაბ ბატიაშვილი - ყარაბაღის კონფლიქტით ყველაზე მოგებული მხარე რუსეთია
ქართული პრესის მიმოხილვა 21.10.2020
რამაზ საყვარელიძე - იმ სოციოლოგიური კვლევების ფონზე, რაც მრავლად ტარდება, გაუგებარია, საიდან გაუჩნდა ოპოზიციას არჩევნებში გამარჯვების და მთავრობის შექმნის იმედი
კახა ძაგანია - "პატრიოტთა ალიანსმა" ხელისუფლებისგან ხმის მიცემის საათების გაზრდა მოითხოვა"
მერაბ ჭიქაშვილი - "ხელისუფლება კორონას ფსიქოლოგიურ იარაღად იყენებს!"
ნანა დევდარიანი - "31 ოქტომბერს ხალხი "ნაციონალურ მოძრაობასაც" და "ქართულ ოცნებასაც" ყველაფრისთვის  დასჯის!"
ევექსი კლინიკები მომხმარებლების უსაფრთხოებისთვის COVID 19-ის PCR ტესტირების პროცესს ცვლის
ირმა ინაშვილი - "ქართული ოცნება" კოვიდ ეპიდემიის თემას ოსტატურად იყენებს და თავის ნაცვლად ექიმებს ალაპარაკებს!" (R)
სოსო შატბერაშვილი - "თუ გსურთ შერიგება ოსებთან და აფხაზებთან - მხარი "პატრიოტთა ალიანსს" დაუჭირეთ!" (R)
გურამ ნიკოლაიშვილი: ვეტერანთა უფლებებს მხოლოდ "პატრიოტთა ალიანსი"დაიცავს! (R)