სერგი კაპანაძე - „ქართული ოცნება" პრორუსულ განწყობებს  აღარც მალავს

„ქართული ოცნება" აღარც მალავს თავის პრორუსულ განწყობებს. ეს დადგენილება ძალიან მარტივი ტესტია, ვის რა პოზიცია უჭირავს პარლამენტში, - ამის შესახებ „ევროპული საქართველოს" წევრმა სერგი კაპანაძემ ჟურნალისტებს განუცხადა. ამით კაპანაძე გამოეხმაურა „ევროპული საქართველოს“ დადგენილების პროექტზე საპარლამენტო უმრავლესობის ლიდერის, გია ვოლსკის განცხადებას, რომ უმრავლესობა „ევროპული საქართველოს" ინიციატივას მხარს არ დაუჭერს.

კაპანაძის განცხადებით, „ევროპული საქართველოს“ ინიციატივა იმდენად საღი აზრის ფარგლებშია, რომ წარმოუდგენელია, პატრიოტმა ადამიანმა მის წინააღმდეგ ხმა როგორ უნდა მისცეს.

„ქართული ოცნება" უკვე აღარც მალავს თავის პრორუსულ განწყობებს, ღიად ახვევს საზოგადოებას თავს, რომ თვითონ არიან კრემლის და მოსკოვის ტალღაზე. სწორედ ამის გამოვლინებაა ბატონი ვოლსკის განცხადება. ეს დადგენილება რეალურად მიზნად ისახავს, რომ მთავრობას ანტისაოკუპაციო მიმართულებით მეტი აქტიურობისკენ მოუწოდოს, რუსეთის წინააღმდეგ სანქციების რეჟიმში საქართველოს თემატიკა და ასევე, ის კომპანიები ჩაერთოს, რომლებიც ოკუპირებულ ტერიტორიებზე ეკონომიკურ საქმიანობას ახორციელებენ. ეს ძალიან მარტივი ტესტია იმისა, თუ ვის რა პოზიცია უჭირავს საქართველოს პარლამენტში. ნიშანდობლივია, რომ „ქართულმა ოცნებამ" წინმსწრებად დააფიქსირა თავისი პოზიცია, რომ არ აპირებს ამ დადგენილებას მხარი დაუჭიროს.

20 ივნისის მერე არავის ეპარება ეჭვი „ქართული ოცნების" პრორუსულ განწყობებში. თუმცა, ეს დადგენილება იმდენად საღი აზრის ფარგლებშია და იმდენად ყველასათვის მისაღები ფორმულირებებია, რომ სრულიად წარმოუდგენელია, საქართველოს პატრიოტმა ადამიანმა მის წინააღმდეგ მისცეს ხმა,"- განაცხადა სერგი კაპანაძემ.

შეგახსენებთ, რომ „ევროპული საქართველო“ პარლამენტს საქართველოს ტერიტორიების ოკუპაციის საკითხის საერთაშორისო დღის წესრიგში აქტუალიზაციის თაობაზე სპეციალური დადგენილების მიღებას სთავაზობს.

დადგენილების პროექტის არსს შემდეგი სამი პუნქტი წარმოადგენს, კერძოდ:

1. საქართველოს ოკუპირებული ტერიტორიებიდან საოკუპაციო ძალების გაყვანა და 2008 წლის ევროკავშირის შუამდგომლობით მიღწეული ცეცხლის შეწყვეტის შესახებ ხელშეკრულების შესრულების მოთხოვნა შევიდეს ევროკავშირისა და აშშ-ს მიერ რუსეთის ფედერაციაზე დაკისრებული სხვადასხვა სანქციების მოთხოვნებში;

2. ევროპის კავშირის და აშშ-ს მიერ რუსეთის ფედერაციაზე დაწესებული შესაბამისი პერსონალური სანქციების პაკეტებში “ოთხოზორია-ტატუნაშვილის სიის“ შეტანა;

3. ევროპის კავშირის და აშშ-ს მიერ სანქციების შემოღება ყველა კომპანიის მიმართ, რომლებიც ეკონომიკურ საქმიანობას, მაგალითად, ეთნიკური წმენდის მსხვერპლთა ქონების გაქირავებას, წარმართავენ საქართველოს ოკუპირებულ ტერიტორიებზე.

ზურაბ ბატიაშვილი - ყარაბაღის კონფლიქტით ყველაზე მოგებული მხარე რუსეთია
ქართული პრესის მიმოხილვა 21.10.2020
რამაზ საყვარელიძე - იმ სოციოლოგიური კვლევების ფონზე, რაც მრავლად ტარდება, გაუგებარია, საიდან გაუჩნდა ოპოზიციას არჩევნებში გამარჯვების და მთავრობის შექმნის იმედი
კახა ძაგანია - "პატრიოტთა ალიანსმა" ხელისუფლებისგან ხმის მიცემის საათების გაზრდა მოითხოვა"
მერაბ ჭიქაშვილი - "ხელისუფლება კორონას ფსიქოლოგიურ იარაღად იყენებს!"
ნანა დევდარიანი - "31 ოქტომბერს ხალხი "ნაციონალურ მოძრაობასაც" და "ქართულ ოცნებასაც" ყველაფრისთვის  დასჯის!"
ევექსი კლინიკები მომხმარებლების უსაფრთხოებისთვის COVID 19-ის PCR ტესტირების პროცესს ცვლის
ირმა ინაშვილი - "ქართული ოცნება" კოვიდ ეპიდემიის თემას ოსტატურად იყენებს და თავის ნაცვლად ექიმებს ალაპარაკებს!" (R)
სოსო შატბერაშვილი - "თუ გსურთ შერიგება ოსებთან და აფხაზებთან - მხარი "პატრიოტთა ალიანსს" დაუჭირეთ!" (R)
გურამ ნიკოლაიშვილი: ვეტერანთა უფლებებს მხოლოდ "პატრიოტთა ალიანსი"დაიცავს! (R)