საგანგებო სიტუაციების მართვის სამსახურის ინფორმაციით, თუ „ფრესკო“ სახანძრო უსაფრთხოების კუთხით გამოვლენილ დარღვევებს არ გამოასწორებს, დაჯარიმდება

საგანგებო სიტუაციების მართვის სამსახურში აცხადებენ, რომ თუ „ფრესკო“ სახანძრო უსაფრთხოების კუთხით გამოვლენილ დარღვევებს არ გამოასწორებს დაჯარიმდება.

„თუ კომპანია გამოვლენილ დარღვევებს არ გამოასწორებს, მის წინააღმდეგ ამოქმედდება კანონით დადგენილი საჯარიმო სანქციები“ ,- ამის შესახებ „ინტერპრესნიუსს“ შსს-ს საგანგებო სიტუატიაციების მართვის სამსახურში „ფრესკოს“ დამფუძნებლის ვალის სოფრომაძის განცხადებასთან დაკავშირებით განუცხადეს, რომლის თანახმადაც სოფრომაძე არ აპირებს უწყების მოთხოვნის შესრულებას და სასამართლოში სარჩელი შეაქვს.

უწყების მიერ „ინტერპრესნიუსისთვის“ მოწოდებული ინფორმაციის თანახმად, შპს „ფრესკო შოპინგ ცენტრის“ და შპს „ფრესკო თრეიდ ჰაუსის“ სავაჭრო ცენტრების ობიექტებზე სახანძრო-ტექნიკური შემოწმება მიმდინარე წლის აგვისტო-სექტემბერში ჩატარდა და დარღვევების აღმოსაფხვრელად, კომპანიებს სირთულის და რისკების მიხედვით, განსაზღვრული აქვს ვადა სამიდან ათ თვემდე.

ამასთან, როგორც საგანგებო სიტუაციების მართვის სამსახურში აცხადებენ, ვასილ სოფრომაძის პრეტენზია, თითქოს მაღაზიათა ქსელ „ფრესკოში“ სახანძრო უსაფრთხოების შემოწმება მოძველებული და რუსული სტანდარტით ხდება, არ შეესაბამება სიმართლეს.

„შემოწმება ჩატარდა მოქმედი კანონმდებლობის მოთხოვნათა სრული დაცვით და პროცესს ესწრებოდნენ კომპანიის წარმომადგენლები, რომელთაც რაიმე სახის პრეტენზია არ გამოუთქვამთ. შინაგან საქმეთა სამინისტროს საგანგებო სიტუაციების მართვის სამსახურის ზედამხედველობის დეპარტამენტი ხელმძღვანელობს საქართველოს საკანონმდებლო, შესაბამისი კანონქვემდებარე ნორმატიული აქტებით, საერთაშორისო აქტებითა და სახანძრო უსაფრთხოების სფეროში მოქმედი ნორმებისა და სტანდარტების შესაბამისად.

საგანგებო სიტუაციების მართვის სამსახურის ზედამხედველობის დეპარტამენტი მსგავსი ტიპის შემოწმებას ახორციელებს მთელი საქართველოს მასშტაბით და „ფრესკო“ არ არის გამონაკლისი. შემოწმების მიზანი საქართველოს მოქალაქეების უსაფრთხოების უზრუნველყოფა და ხანძარსაწინააღმდეგო პრევენციული ზომების მიღებაა“,-აცხადებენ საგანგებო სიტუაციების მართვის სამსახურში.

რაც შეეხება კონკრეტულად დარღვევებს, რომლებიც სახანძრო უსაფრთხოების შემოწმებისას გამოვლინდა, უწყების ინფორმაციით, გამოვლინდა შემდეგი სახის დარღვევები: არ არის მოწყობილი სავაჭრო ცენტრების საევაკუაციო გზებზე ავარიული განათებები; სავაჭრო ცენტრებში სრულად არ არის დამონტაჟებული ავტომატური სახანძრო სიგნალიზაციის სისტემები, ხოლო არსებული მოითხოვს შეკეთებას; გამოსულია მწყობრიდან ხმოვანი და ტექსტური მაუწყებლობის სისტემები; სავაჭრო დარბაზებში და მიწისქვეშა ავტოსადგომებზე არ არის დამონტაჟებული კვამლსაწინააღმდეგო დაცვის ავტომატური სისტემები; მიწისქვეშა ავტოსადგომებზე არ არის დამონტაჟებული ავტომატური ქრობის სისტემა; განგაშის შემთხვევაში არ არის გათვალისწინებული საერთო მიმოცვლის სავენტილაციო სისტემის გათიშვა; სავაჭრო ცენტრების ზოგიერთ სათავსოში ელ. მეურნეობა არ შეესაბამება ელ. დანადგარების მოწყობის წესების მოთხოვნებს; შენობების დამხმარე სათავსოები ჩახერგილია წვადი მასალით და სხვადასხვა სახის ინვენტარით; სავაჭრო ცენტრების ხანძარსაწინააღმდეგო დაცვის სისტემების ექსპლუატაციაზე, ტექნიკურ მომსახურებაზე და მათ შეკეთებაზე არ არის განსაზღვრული პასუხისმგებელი პირები;პერსონალს არა აქვს გავლილი სწავლებები სახანძრო უსაფრთხოების საკითხებთან დაკავშირებით.

შეგახსენებთ, რომ როგორც „ფრესკოს“ დამფუძნებელმა ვასილ სოფრომაძემ ვიდეომიმართავში განაცხადა, ის არ ეთანხმება საგანგებო სიტუაციების მართვის სამსახურის მიერ წარმოდგენილი შემოწმების აქტს და ეს შემოწმება საბჭოთა კავშირში არსებულ ნორმებზე დაყდნობითაა მომზადებული.

„ საბჭოთა კავშირში არსებობდა წესები და ჩვენს მთავრობას მიღებული აქვს არარსებული ნორმა, თუ რაიმე გინდოდათ აგეღოთ, აგეღოთ იმ ქვეყნიდან, საითკენაც მივდივართ და არა არარსებული ქვეყნიდან. დღეს ამ ნორმებზე დაყრდნობით სახანძრო სამსახურმა წარმოგვიდგინა მათი შემოწმების აქტი, რომელსაც ჩვენ ფიზიკურად ვერ გავაკეთებთ, რადგან კონსტრუქციებს შევასუსტებთ. არ ვაპირებ ამის გაკეთებას, ვაპირებ სასამართლოში სარჩელის შეტანას,”-აცხადებს სოფრომაძე.

ვახტანგ ძაბირაძე - დღეს საზოგადოებაში არ ჭარბობს განწყობა - ოღონდ ეს ხელისუფლება წავიდეს და ვინც გინდა მოვიდეს
“პარტია ალეკო ელისაშვილი - მოქალაქეების” ერთ-ერთი ლიდერი ლევან იოსელიანი - ჩვენ უნდა დავიწყოთ ახალი სასამართლო სისტემის  მშენებლობა
ქართული პრესის მიმოხილვა 27.10.2020
ნანა ჩაჩუა - არჩევნების წინ არსებულ ვითარებას შევაფასებდი როგორც სიურრეალიზმს, თანაც ისეთს, როგორსაც სალვადორ დალიც კი ვერ წარმოიდგენდა
ირმა ინაშვილი - ჩვენ უნდა მოვუგოთ მწამებელ "ნაციონალურ მოძრაობას" და მათ მფარველებს "ოცნებიდან" (R)
გაერთიანება „ერთად არჩევნებისათვის“ წინასაარჩევნო პერიოდს აფასებს
კოლიერსი საქართველოში სამშენებლო მიმართულებას აძლიერებს
სამსუნგის ოფიციალური ჰოლოგრამა გიცავს და გასაჩუქრებს
ჰიუნდაის დიზაინი გამარჯვებულია - DMI Design Value Awards 2020  დიზაინისთვის „Sensuous Sportiness“
„მეგატექნიკაში“ „სამსუნგის“ ფესტივალი დაიწყო
ირმა ინაშვილი - 8 წელია სადისტები გვასხედან თავზე (R)
Admixer - ახალი შესაძლებლობები ციფრულ მარკეტინგში
ეფექტური ლოგისტიკა, როგორც სამშენებლო ინდუსტრიის განვითარების მექანიზმი (R)
დღეიდან სილქნეტი Ispace-ის სარეალიზაციო ცენტრებში აქციას იწყებს
კავკასიის უნივერსიტეტი სპეციალურ განცხადებას ავრცელებს