ვოლვო საქართველოს წარმომადგენლობა  სოციალურ კამპანიას #selfieforsafety ერთდება

ვოლვომ მსოფლიოს მასშტაბით დაიწყო სოციალური კამპანია #selfieforsafety, რომლის მიზანიც მეტი სიცოცხლის გადარჩენაა. კამპანიას მხარს უჭერს და უერთდება ვოლვო საქართველოს წარმომადგენლობა.

როგორც „ინტერპრესნიუსს“ ვოლვო საქართველოს წარმომადგენლობიდან აცნობეს, ყოველდღიურად დედამიწის სხვადასხვა წერტილში ავტოსაგზაო შემთხვევების გამო სამი ათასზე მეტი ადამიანი იღუპება, თუმცა აღსანიშნავია, რომ ვოლვომ შეძლო მილიონზე მეტი ადამიანის სიცოცხლის გადარჩენა, მისი უნიკალური სამწერტილოვანი ღვედის გამოგონებით, რის შემდეგაც კომპანიამ აიღო პასუხისმგებლობა შეექმნა ყველაზე უსაფრთხო ავტომობილები და მუდმივად ეზრუნა სიცოცხლის გადარჩენისთვის.

„ვოლვოს ავტომობილები მრავალი წელია აღიარებულია როგორც მსოფლიოში ყველაზე უსაფრთხო. ბევრი მიზეზი არსებობს, რის გამოც შეიძლება ავტოსაგზაო შემთხვევა ფატალური შედეგით დასრულდეს და ერთ წამში შეიცვალოს ნებისმიერი ადამიანის ცხოვრება. ცხადია, საჭესთან ცუდი ზრახვებით არავინ ჯდება და არც უბედური შემთხვევების შიშის გამო იტყვის უარს ავტომობილის მართვაზე, მაგრამ ავტოსაგზაო შემთხვევის თავიდან ასაცილებლად საჭიროა მეტი ყურადღება დავუთმოთ უსაფრთხოების წესების დაცვას. ღვედის გამოყენება 50%-ით ამცირებს სერიოზული საგზო დაზიანების რიცხვს, ხოლო 60-70%-ით დაღუპვის შემთხვევას“, - ნათქვამია გავრცელებულ ინფორმაციაში.

„ჩვენი მიზანია ავტომობილით მგზავრობა გავხადოთ მეტად უსაფრთხო და უსაფრთხოების ღვედი მეტად პრიორიტეტული. დღესდღეობით მთავარი პრობლემა რაც საქართველოში თვალსაჩინოა, არის ღვედის გაუცნობიერებლად გამოყენება, რიგ შემთხვევებში კი საერთოდ გამოუყენებლობა. განსაკუთრებით ეს თემა ეხება მგზავრებს, რომლებიც უკანა სავარძლებზე სხდებიან და ღვედს არ იკეთებენ. ბევრმა არ იცის ეს ფაქტი რამდენად ზრდის ავტოავარიების შედეგად დაშავებულების და დაღუპულების რიცხვს“, - განაცხადა ვოლვო ცენტრი თეგეტა-ს წარმომადგენელმა.

ვოლვოს ინჟინერმა ნილს ბოლინმა, 1959 წელს გამოიგონა სამწერტილოვანი უსაფრთხოების ღვედი. კომპანიამ უსაფრთხოების ღვედების დამონტაჟება სხვა ავტომწარმოებლებისთვის უფასო გახადა, რათა მეტი სიცოცხლე გადაერჩინა. დღემდე ყველა ავტომწარმოებელი ვოლვოს ამ უსაფრთხოების სისტემას წარმატებულად იყენებს.

შემოუერთდი უსაფრთხო მძლოლების რიცხვს, გაიკეთე ღვედი და დაიცავი სიცოცხლე -#selfieforsafety.

მარკო მიკელსონი - საქართველომ ყურადღების მოსაპოვებლად უნდა იბრძოლოს - პატარა ქვეყნები იმაზე დიდები უნდა ვიყოთ, ვიდრე ფიზიკურად ვართ
ქართული პრესის მიმოხილვა 27.02.2020
ირაკლი მელაშვილი - ვფიქრობ, საარჩევნო სისტემასთან დაკავშირებით არსებულ  ფონზე ხელისუფლებას გაუჭირდება ოპოზიციისთვის მოლაპარაკებების ჩაშლის გადაბრალება
როგორ დავაჩქაროთ მდგრადი განვითარების მიზნების განხორციელება აზიასა და წყნარ ოკეანეთში
ადგილობრივი სასტუმროების ჯგუფური და ინდივიდუალური დაჯავშნის ონლაინ პლატფორმა HOTEL HUB GEORGIA ბაზარზე ოპერირებას ამიერიდან HOTEL HUB GROUP-ის სახელით გააგრძელებს
„ბადაგონს“ საუკეთესო ქართული ღვინის კომპანიის სტატუსი მიენიჭა
GM Pharma-ს („ჯი-ემ-პი“) ხარისხის ახალი ISO სერტიფიკატი გადაეცა
სამსუნგმა Galaxy S20 სერია წარადგინა
PSP პირველი ჩაერთო გაეროს განვითარების პროგრამის პროექტში „სოციალური დაცვის სისტემის გარდაქმნა შეზღუდული შესაძლებლობის მქონე პირებისთვის“
BDO-მ ინფორმაციული უსაფრთხოების საერთაშორისო სტანდარტის ISO/IEC 27001 სერტიფიცირება გაიარა