არჩილ მესტვირიშვილი - შეიძლება ძალიან ბევრი მხარე იყოს, ვისაც აწყობს ეროვნული ბანკის დასუსტება - მთავარია ის, რომ ეს ქვეყანას არ აწყობს

შეიძლება ძალიან ბევრი მხარე იყოს, ვისაც აწყობს ეროვნული ბანკის დასუსტება. მთავარია ის, რომ ეს ქვეყანას არ აწყობს,- ამის შესახებ ჟურნალისტებს საქართველოს ეროვნული ბანკის ვიცე-პრეზიდენტმა არჩილ მესტვირიშვილმა, ინტერნეტ სივრცეში ეროვნული ბანკის საქმიანობის შესახებ გავრცელებული პროპაგანდისტული გვერდების შესახებ კომენტირებისას განუცხადა. კითხვაზე, ვის შეიძლება აწყობდეს ეროვნული ბანკის წინააღმდეგ ნეგატიური პროპაგანდა, აცხადებს, რომ სებ-ის დასუსტება შესაძლოა, მრავალი მხარის ინტერესში შედიოდეს. „ეროვნულ ბანკს აქვს კანონით განსაზღვრული უფლება-მოვალეობები, რომელიც ეფუძნება საუკეთესო საერთაშორისო პრაქტიკას. ჩვენ ვმოქმედებთ ჩვენი შესაძლებლობებისა და ფუნქცია-მოვალეობების ფარგლებში. დანარჩენზე, დასპონსორებულ გვერდებთან დაკავშირებით კომენტარს ვერ გავაკეთებ. არ ვიცი, შეიძლება ძალიან ბევრი მხარე იყოს, ვისაც აწყობს ეროვნული ბანკის დასუსტება. მთავარია ის, რომ ეს ქვეყანას არ აწყობს ", - აცხადებს მესტვირიშვილი.

ამასთან, მესტვირიშვილმა განაცხადა, რომ საქართველოს ეროვნული ბანკი გააგრძელებს მონეტარული პოლიტიკის გამკაცრებას, სანამ ინფლაციაზე მოქმედი რისკები არ ამოიწურება, ამ მხრივ კი ყველაზე მნიშვნელოვანი რისკი, რაც ინფლაციაზე მოქმედებს, ლარის გაუფასურებაა.

მესტვირიშვილი ლარის მიმდინარე გაუფასურებას რუსეთის მხრიდან ტურისტული ემბარგოს დაწესებით გამოწვეულ ნეგატიურ მოლოდინებს უკავშირებს.

„ტურიზმიდან შემოსავლები შემცირებულია, რამაც თავისთავად გავლენა იქონია კურსზე და გააჩინა დამატებითი მოლოდინები. ჩვენი შეფასებით, ძირითადი მამოძრავებელი დღეს კვლავ არის მოლოდინები, ამაზე ჩვენი რეაგირება იქნება მონეტარული პოლიტიკის გამკაცრება და ეს თავის შედეგებს გამოიღებს,“ - განაცხადა მესტვირიშვილმა.

ზურაბ ბატიაშვილი - ყარაბაღის კონფლიქტით ყველაზე მოგებული მხარე რუსეთია
ქართული პრესის მიმოხილვა 21.10.2020
რამაზ საყვარელიძე - იმ სოციოლოგიური კვლევების ფონზე, რაც მრავლად ტარდება, გაუგებარია, საიდან გაუჩნდა ოპოზიციას არჩევნებში გამარჯვების და მთავრობის შექმნის იმედი
კახა ძაგანია - "პატრიოტთა ალიანსმა" ხელისუფლებისგან ხმის მიცემის საათების გაზრდა მოითხოვა"
მერაბ ჭიქაშვილი - "ხელისუფლება კორონას ფსიქოლოგიურ იარაღად იყენებს!"
ნანა დევდარიანი - "31 ოქტომბერს ხალხი "ნაციონალურ მოძრაობასაც" და "ქართულ ოცნებასაც" ყველაფრისთვის  დასჯის!"
ევექსი კლინიკები მომხმარებლების უსაფრთხოებისთვის COVID 19-ის PCR ტესტირების პროცესს ცვლის
ირმა ინაშვილი - "ქართული ოცნება" კოვიდ ეპიდემიის თემას ოსტატურად იყენებს და თავის ნაცვლად ექიმებს ალაპარაკებს!" (R)
სოსო შატბერაშვილი - "თუ გსურთ შერიგება ოსებთან და აფხაზებთან - მხარი "პატრიოტთა ალიანსს" დაუჭირეთ!" (R)
გურამ ნიკოლაიშვილი: ვეტერანთა უფლებებს მხოლოდ "პატრიოტთა ალიანსი"დაიცავს! (R)