გიგა ბოკერია NDI-ის კვლევაზე - ბიძინა ივანიშვილი და მისი გუნდი განწირულია

სამწუხაროდ, გასაკვირი არ არის ის სურათი, რომელსაც ვხედავთ ყველა ავტორიტეტული ორგანიზაციის კვლევაში, - ასე აფასებს "ევროპული საქართველოს" წევრი გიგა ბოკერია NDI-ის კვლევის შედეგებს, რომლის თანახმად, გამოკითხულთა 49% ფიქრობს, რომ ქვეყანა არასწორი მიმართულებით ვითარდება.

მისი თქმით, ბიძინა ივანიშვილი და მისი გუნდი განწირულია.

ბოკერიას მოსაზრებით, ახლა "ევროპული საქართველოს"და "თავისუფალი დემოკრატების" ამოცანაა, რომ "ამ კაცს ქვეყანა უფსკრულში არ გადავაჩეხინოთ და ის მშვიდობიანად დავამარცხოთ".

"პოლიტიკური პარტიების რეიტინგებისგან განსხვავებით, სოციალური თემის კითხვებზე რესპონდენტები პასუხობენ ანუ აქ არ გვაქვს ის პრობლემა, რომ პასუხზე დიდი უარი გვქონდეს. ამიტომ, საკმაოდ მკაფიო სურათია და ბუნებრივია, ძალიან საგანგაშო. ეს სურათი გამოხატავს იმ რეალობას, რომელიც არის ქვეყანაში. რა მოტივებია აქ და რატომ თვლიან ისინი, რომ ქვეყანა არასწორი მიმართულებით მიდის, მე საზოგადოების ნაცვლად არ მინდა ვისაუბრო. ამავე კვლევაში ჩანს, რა არის ის საკითხი, რაც მათ აწუხებთ. ეს არის ეკონომიკა, უსაფრთხოება, ინსტიტუტებისადმი ნდობა, ერთპიროვნული და არაფორმალური მმართველობა", - განაცხადა ბოკერიამ.

ვაჟა ბერიძე - გაუგებარია საზოგადოების რა ნაწილს წარმოადგენს მმართველი ძალა და ვისთვისაა „ოცნების“ ხელისუფლებაში დარჩენა სისხლხორცეულად აუცილებელი
ქართული პრესის მიმოხილვა 21.10.2019
თენგიზ ფხალაძე - ვინც ანაკლიის პორტის მიზანშეწონილობას ეჭვქვეშ აყენებს, იქნებ იმაზეც დაფიქრდეს, რატომ აჩქარებს რუსეთი ტამანში საკუთარი პორტის მშენებლობას?
სილქნეტი მედიასივრცეში გავრცელებულ ბოლოდროინდელ ბრალდებას ეხმიანება სატელეკომუნიკაციო ბაზარზე ოლიგოპოლიასთან დაკავშირებით