არჩილ თალაკვაძე გიგა ბოკერიას - გმადლობთ, დაზუსტებისთვის, რომ თქვენი ამოცანა ქალბატონი ქაცარავას განადგურება არაა, მეც მახსოვდა, რომ თქვენ მხოლოდ რეალისტურ ამოცანებს ისახავდით მიზნად

გმადლობთ, რომ დააზუსტეთ, რომ თქვენი ამოცანა არ არის ქალბატონი ქაცარავას განადგურება. მეც ასე მახსოვდა, რომ თქვენ მხოლოდ რეალისტურ ამოცანებს ისახავდით ხოლმე მიზნად, - ასე მიმართა პარლამენტის თავმჯდომარე არჩილ თალაკვაძემ „ევროპული საქართველოს“ ერთ-ერთ ლიდერს გიგა ბოკერიას პლენარულ სხდომაზე.

პარლამენტის სპიკერმა ბოკერიასა და მდინარაძეს შორის დაწყებული სიტყვიერი დაპირისპირებისას ბოკერიას კორექტულობისკენ მოუწოდა.

„მოგიწოდებთ კორექტულობისკენ ბატონო გიგა. გუშინ სოფიო ქაცარავას დაემუქრეთ განადგურებით, დღეს ბატონ მდინარაძეს პერსონალურ შეურაცხყოფას აყენებთ ლამის“, - განაცხადა თალაკვაძემ.

პარლამენტის თავმჯდომარეს ბოკერიამ უპასუხა და აღნიშნა, რომ არავის ფიზიკური განადგურება მისი ამოცანა არაა, პოლიტიკურად კი მმართველი გუნდი თავად ინადგურებს თავს. „ევროპული საქართველოს“ ერთ-ერთ ლიდერს დაზუსტებისთვის პარლამენტის თავმჯდომარემ მადლობა გადაუხადა.

შეგახსენებთ, გუშინ ევროინტეგრაციის კომიტეტის სხდომაზე გიგა ბოკერიამ საგარეო ურთიერთობათა კომიტეტის თავმჯდომარე სოფო ქაცარავას მიმართა, რომ მას პოლიტიკურად გაანადგურებს. ოპოზიციონერმა დეპუტატმა ქაცარავას ამ სიტყვებით მას შემდეგ მიმართა, რაც ქაცარავამ განაცხადა, რომ გიგა ბოკერიას შოუების დადგმა უკეთესად გამოსდის, ვიდრე საგარეო პოლიტიკის მართვა. ბოკერიას აღნიშნული განცხადება უმრავლესობის წევრების მხრიდან დღეს განსჯის საგანი გახდა.

ვიქტორ ყიფიანი - შავი ზღვის რეგიონისადმი დასავლეთის მიდგომა ოპერატიულად გადახედვასა და მისადაგებას საჭიროებს
ქართული პრესის მიმოხილვა 03.07.2020
კახა კუკავა - „თავისუფალი საქართველოს“ გარდა, მთელი პოლიტიკური სპექტრი დაშლილებში აწყობილი პარტიებია - ზოგი „ქოცების“ დაშლილებია, ზოგი „ნაცების“
მაკა ასათიანი განცხადებას ავრცელებს
„მზადება ზაფხულისთვის“  (R)
"პროკრედიტ ბანკმა" საკუთარი მზის ელექტროსადგური წარადგინა
ვანო ჩხარტიშვილი - მამუკა ხაზარაძე დღეს მომავლის საშვის აღებას წარსულის გადაწერით ცდილობს
ძუძუს კიბო და ადრეული დიაგნოსტირების როლი მის მკურნალობაში
„თბილღვინო“ სოციალური პასუხისმგებლობის ფარგლებში შეჭირვებულ ოჯახებს ეხმარება
საუკეთესო სავალუტო კურსი ტერაბანკისგან
საქართველოში სერვისი ბინა გაქირავების გარანტიით შემოვიდა - მესაკუთრეები დაზღვევის სახით ბინის ღირებულების 5%-ს მიიღებენ