მარიამ ჯაში - 2019 წელი საქართველოს განათლების სისტემის რეფორმისთვის ისტორიული წელი იყო

გადაჭარბების გარეშე ვფიქრობ, რომ 2019 წელი საქართველოს განათლების სისტემის რეფორმისთვის ისტორიული წელი იყო. ამის შესახებ მარიამ ჯაშმა პარლამენტში, პლენარულ სხდომაზე სიტყვით გამოსვლისას განაცხადა.

როგორც მარიამ ჯაშმა აღნიშნა, 30 ათასზე მეტი პედაგოგი რამდენიმე დღეში გაზრდილ ანაზღაურებას მიიღებს.

„სასწავლო წლის დაწყებასთან ერთად, ჩვენ გვინდა მივულოცოთ ახალი სასწავლო შესაძლებლობები მოსწავლეებს, სტუდენტებს, პედაგოგიურ კორპუსს და მათ წარმატებები ვუსურვოთ. აქვე, ვფიქრობ, უაღრესად მნიშვნელოვანია შევაჯამოთ ის ცვლილებები, რომელიც უკვე განხორციელდა საქართველოს განათლების სისტემაში და ასევე გამოწვევები, რომლის გარშემოც ჩვენ შემდგომი მუშაობა მოგვიწევს. გადაჭარბების გარეშე ვფიქრობ, რომ 2019 წელი იყო ისტორიული წელი საქართველოს განათლების სისტემის რეფორმისთვის. მე-9 მოწვევის პარლამენტის განხილვების პირველივე დღეებიდან ჩვენი კომიტეტი, ყურადღებას ამახვილებდა დაფინანსების მნიშვნელოვანი ზრდის აუცილებლობაზე. ჩვენ გვქონდა პრეტენზია, რომ განათლების სისტემაში ფუნდამენტური რეფორმები მომხდარიყო. ეს გადაწყვეტილება 2019 წელს არის მიღებული და მინდა მამუკა ბახტაძეს მადლობა გადავუხადო“,-განაცხადა მარიამ ჯაშმა.

მისივე განმარტებით, მამუკა ბახტაძის ინიციატივით განათლება საქართველოს მთავრობის ნამდვილად უპირველესი პრიორიტეტი გახდა.

„ჩვენ ასევე საკანონმდებლო დონეზე გვაქვს უზრუნველყოფილი მნიშვნელოვანი ფინანსური რესურსების უზრუნველყოფა ჩვენი საგანმანათლებლო სივრცისთვის. სულ რამდენიმე დღეში 30 ათასზე მეტი პედაგოგი მიიღებს გაზრდილ ანაზღაურებას და ათასობით დამსახურებულ პედაგოგს ჩვენ სისტემიდან ღირსეულად გავაცილებთ. საპენსიო რეფორმა, რომელსაც ჩვენ განათლების სისტემაში ვახორციელებთ, ვფიქრობ, არ მარტო საქართველოსთვის იქნება წარმატებული, არამედ - როგორც ცენტრალური და აღმოსავლეთ ქვეყნებისთვის, ასევე საერთაშორისო მასშტაბით, მაგალითი გახდება. ასევე მნიშვნელოვანი სიახლეები გვაქვს საგანმანათლებლო რესურსების კუთხით. წელს, საქართველოს პარლამენტის ინიციატივით, კულტურული მემკვიდრეობის სახით, იაკობ გოგებაშვილის „დედაენის“ განახლებული ვერსია ბრუნდება. ყველა პირველკლასელს გუშინ სწორედ აღნიშნული სახელმძღვანელო დახვდა. ჩვენ ასევე ვუზრუნველვყოფთ არჩევანის თავისუფლებას და საავტორო უფლებების დაცვას“, - აღნიშნა ჯაშმა.

გარდა ამისა, მის თქმით, სკოლის უსაფრთხოების კუთხით, მნიშვნელოვანი ცვლილებები განხორციელდა. როგორც მან აღნიშნა, 41 სკოლაში მანდატურები დამატებით დასაქმდნენ და საერთო ჯამში, 2019 წლის ბოლომდე, საქართველოს მასშტაბით, სკოლების 80 პროცენტში უკვე მანდატურის წარმომადგენლები იქნებიან, რაც უსაფრთხოების საკითხს მნიშვნელოვნად გაზრდის. მისივე განმარტებით, მანდატურების სახელფასო ანაზღაურება 250 ლარითაა გაზრდილი.

„მანდატურის სამსახურის გაძლიერებასთან ერთად გაძლიერდა ფსიქო-სოციალური სერვისიც. ახალციხეში და ზუგდიდში დამატებითი ფსიქო-სოციალური მომსახურების ცენტრებიც გაიხსნა. წელს პირველად უმნიშვნელოვანესი გადაწყვეტილება მივიღეთ. ჩვენ სკოლაში განსაკუთრებული საგანმანათლებლო საჭიროებების ბავშვთა რეგისტრაცია დავიწყეთ. ეს მომსახურება 515-მა მოსწავლემ მიიღო. ასევე ქვეყნის მასშტაბით, სასკოლო ინფრასტრუქტურის 75 პროცენტი განახლებულია. 880 სკოლაში განხორციელდა სარემონტო სამუშაოები და ქვეყნის მასშტაბით 27 სკოლა აშენდა. ასევე წელს დამთავრდა 91 სკოლის მშენებლობა შეერთებული შტატების და საქართველოს მთავრობის პრიორიტეტული სტრატეგიული პროგრამის ფარგლებში. ბუნებრივია, რჩება გამოწვევები, მათ შორის, საბავშვო ბაღების სისტემებთან და ანაზღაურებასთან დაკავშირებით. საბავშვო ბაღებში ანალოგიურად, ჩვენ გვაქვს განსახორციელებელი ფინანსურიო რესურსების მატების ინიციატივები და ხარისხის გაუმჯობესებასთან ერთად, ჩვენ სამინისტროსთან მუშაობას ვაგრძელებთ. ეს სტრატეგიული და ფუნდამენტური რეფორმაა განათლების სისტემაში“,-განაცხადა მარიამ ჯაშმა.

ლევან დოლიძე - სირიაში მოვლენების განვითარება დამოკიდებულია იქნება იმაზე, რამდენად კოორდინირებულად იმოქმედებს ნატო, აშშ და თურქეთი, თუმცა, საქართველოში სირიიდან მიგრანტების დიდ ნაკადს არ ველი
ქართული პრესის მიმოხილვა 28.02.2020
ირაკლი მელაშვილი - ვფიქრობ, საარჩევნო სისტემასთან დაკავშირებით არსებულ  ფონზე ხელისუფლებას გაუჭირდება ოპოზიციისთვის მოლაპარაკებების ჩაშლის გადაბრალება
როგორ დავაჩქაროთ მდგრადი განვითარების მიზნების განხორციელება აზიასა და წყნარ ოკეანეთში
სასიამოვნო სიურპრიზი „ტოიოტასგან“ საავტომობილო რბოლის მოყვარულთათვის
ადგილობრივი სასტუმროების ჯგუფური და ინდივიდუალური დაჯავშნის ონლაინ პლატფორმა HOTEL HUB GEORGIA ბაზარზე ოპერირებას ამიერიდან HOTEL HUB GROUP-ის სახელით გააგრძელებს
„ბადაგონს“ საუკეთესო ქართული ღვინის კომპანიის სტატუსი მიენიჭა
GM Pharma-ს („ჯი-ემ-პი“) ხარისხის ახალი ISO სერტიფიკატი გადაეცა
სამსუნგმა Galaxy S20 სერია წარადგინა
PSP პირველი ჩაერთო გაეროს განვითარების პროგრამის პროექტში „სოციალური დაცვის სისტემის გარდაქმნა შეზღუდული შესაძლებლობის მქონე პირებისთვის“