ოთარ კახიძე უმრავლესობას - ბოკერიას მხრიდან ნათქვამი „განანებ“, პოლიტიკურად განადგურებას ნიშნავდა - მისი ნათქვამი საკუთარი პრემიერის ლექსიკაში აგერიათ

გიგა ბოკერიას მხრიდან სოფიო ქაცარავასთვის ნათქვამი „განანებ“, პოლიტიკურად განადგურებას ნიშნავდა. საკუთარი პრემიერის ლექსიკაში აგერიათ მისი ნათქვამი და ნუ დაამახინჯებთ სხვების გამოსვლებს, - ასე გამოეხმაურა პარლამენტის პლენარულ სხდომაზე „ევროპული საქართველოს“ ერთ-ერთი ლიდერი, ოთარ კახიძე ევროინტეგრაციის კომიტეტის გუშინდელ სხდომაზე, „ევროპული საქართველოს“ ლიდერ გიგა ბოკერიასა და საპარლამენტო უმრავლესობის წევრის, სოფიო ქაცარავას შორის მომხდარ დაპირისპირებას.

როგორ კახიძემ აღნიშნა, ქაცარავას აღშფოთებას, ბოკერიას ამ მიმართვასთან დაკავშირებით მაშინ დაიჯერებდა, თუ იმასაც აღშფოთებით შეხვდებოდა, რომ პრემიერ-მინისტრი გიორგი გახარია პარლამენტის ტრიბუნიდან ოპოზიციას განადგურებით დაემუქრა.

„რაც შეეხება ქალბატონ სოფიოს, რომ თითქოს კომიტეტის სხდომაზე ვიღაც განადგურებით დაემუქრა, თქვენ ასე რომ აღშფოთებულიყავით პრემიერ-მინისტრი რომ ტრიბუნიდან ოპოზიციას გადანგურებით ემუქრებოდა, მაშინ კიდევ დავიჯერებდი, რომ გულწრფელია ეს აღშფოთება. ქალბატონ სოფიოს რომ მოესმა სიტყვა „განანებ“, პოლიტიკურად იყო გაჟღერებული და არ ნიშნავდა განადგურებას. მეც იქ გახლდით, ამიტომ ნუ დაამახინჯებთ სხვების გამოსვლებს. საკუთარი პრემიერის ლექსიკაში აგერიათ“, - განაცხადა ოთო კახიძემ.

შეგახსენებთ, გუშინ ევროინტეგრაციის კომიტეტის სხდომაზე გიგა ბოკერიამ საგარეო ურთიერთობათა კომიტეტის თავმჯდომარე სოფო ქაცარავას მიმართა, რომ მას პოლიტიკურად გაანადგურებს. ოპოზიციონერმა დეპუტატმა ქაცარავას ამ სიტყვებით მას შემდეგ მიმართა, რაც ქაცარავამ განაცხადა, რომ გიგა ბოკერიას შოუების დადგმა უკეთესად გამოსდის, ვიდრე საგარეო პოლიტიკის მართვა. ბოკერიას აღნიშნული განცხადება უმრავლესობის წევრების მხრიდან დღეს განსჯის საგანი გახდა.

თედო ჯაფარიძე - არ მგონია, რომ ამერიკის "დასუსტებით" რუსეთმა ან რომელიმე სხვა ქვეყანამ საკუთარი პოზიციები გაიმაგროს
ქართული პრესის მიმოხილვა 05.06.2020
მითები და რეალობა ჰესების შესახებ
ფინკა ბანკისა და სიმბიოტიკსის თანამშრომლობა მეწარმეების დაკრედიტების მიმართულებით გრძელდება
„ეკომარტი“ - ნატურალური და ეკომეგობრული პროდუქტების მრავალფეროვანი ონლაინ მაღაზია გაიხსნა
ფინკა ბანკის საჩუქარი ექიმებს - საუკეთესო პირობები დეპოზიტზე
ლიბერთი ბანკმა ქალთა ეკონომიკური გაძლიერების მიზნით დაგეგმილი ტრენინგების ციკლიდან პირველი ტრენინგი ჩაატარა
ხელფასის, საშემოსავლოსა და საპენსიო შენატანის გადარიცხვა ერთი ოპერაციით - მხოლოდ ტერაბანკის ბინზესბანკინგით